Дар Кумитаи мудофиаи Думаи давлатӣ (Маҷлиси поёнии парлумони Русия) ба савол дар бораи он, ки оё Русия барои кумак ба Эрон дар чорчӯби Созишномаи шарикӣ дар бораи ҳамкории стратегии ҳамаҷониба, ки онро президентҳои Русия ва Эрон — Владимир Путин ва Масъуд Пезешкиён моҳи январ имзо карда буданд, нерӯҳои низомӣ мефиристад ё не, посух доданд.
Дар палатаи поёнии парлумони Русия дар робита ба ин масъала ёдовар шуданд, ки бо пешниҳоди ҷониби Эрон, ҳамаи банди марбут ба ҳамкориҳои низомӣ аз ин созишнома ҳазф шудаанд.
«Бинобар ин, интизори ирсоли корпусҳои экспедитсионии Русия ба Эрон набошед», — оварда мешавад сухани намояндаи Кумитаи мудофиа дар сомонаи News.ru.
Ҳамзамон, дар Думаи давлатӣ ишора карданд, ки эҳтимол дар дигар бахшҳо, аз ҷумла соҳаҳои наздик ба низомӣ ҳамкориҳо тақвият хоҳанд ёфт.
