Аз соли 2014 Дар Тоҷикистон Шӯро оид муайян намудани сатҳи камбизоатӣ амал мекард ва соли 2024 ба Шӯро оид ба муайян намудани табақаи миёнаи аҳолӣ тағйири ном намуд…
Синфи миёна гурӯҳи аҳолиро дар бар мегирад, ки даромади устувор доранд, метавонанд эҳтиёҷоти асосии худро қонеъ гардонанд, сармоягузорӣ намоянд ва барои беҳбудсозии вазъи худ захираҳо доранд. Даромад, сатҳи таҳсилот, шуғл, дастрасӣ ба хизматрасониҳои тиббӣ нишондиҳандаҳое ҳастанд, ки табақаи миёнаро метавон муайян кард. Tафовути фарқкунандаи синфи миёна доштани манзил, мошин, пасандоз, баланд будани сатҳи таҳсилот, шуғли устувор, маоши миёна ва дастрасӣ ба хизматрасониҳои босифати иҷтимоӣ аст.
Тибқи омори расмӣ, соли 2023 табақаи миёнаи аҳолӣ дар Тоҷикистон ба 37 дарсад баробар буд. Стратегияи милли рушди Тоҷикистон то соли 2023 пешбинӣ мекунад, ки ин рақам ба 50% расонда шавад. Оё ба ин ҳадафҳо хоҳем расид, чаро ин мавзӯъ ниҳоят муҳим аст?
Ин барнома бо Соима Муҳаббатова, Сардори шуъбаи сиёсати ҳифзи иҷтимоии Вазорати тандурустӣ ва ҳифзи иҷтимоии аҳолии Тоҷикистон ва рӯзноманигор Умедҷон Холов бобати масъалаҳои калидии рушди иҷтимоиву иқтисодии Тоҷикистон- аҳамияти ташаккули синфи миёна ва зарурати шуғли пурмаҳсул суҳбат кардем. Навори комилро бубинед:
