Қаҳрамони Олимпии соли 1956 дар ҳайати дастаи мунтахаби СССР ва муовини якуми президенти Федератсияи футболи Русия Никита Симонян дар 99-солагӣ аз олам даргузашт.
Никита Симонян кори худро дар дастаи «Динамо»-и Сухум оғоз карда, сипас дар «Криля Советов»-и Москва ва дастаи «Спартак» бозӣ кард. Ӯ то имрӯз беҳтарин нишонзани таърихии «Спартак» бо 160 гол ҳисобида мешавад. Бо дастаи «Спартак» ӯ чор бор қаҳрамони СССР ва ду бор соҳиби Ҷоми СССР шудааст.
Дар ҳайати дастаи мунтахаби СССР Симонян 20 бозӣ анҷом дода, 10 гол ба самар расондааст. Ӯ дар финали мусобиқаи футболи Бозиҳои олимпии соли 1956 дар Мелбурн ширкат дошт, ки дар он СССР бо ҳисоби 1:0 дастаи Югославияро мағлуб кард. Дар соли 1958, дар бозӣ бо Англия (2:2), Симонян аввалин голи таърихии дастаи СССР-ро дар чемпионатҳои ҷаҳон ба самар расонд.
