Имрӯз, 25 октябри соли 2025 шаҳри Душанбе мизбони яке аз муҳимтарин рӯйдодҳои технологӣ — AI Conf 2025 шуд, ки дар он ояндаи зеҳни сунъӣ на танҳо муҳокима, балки бевосита сохта мешавад.
AI Conf 2025 — платформаи нав барои Тоҷикистон на танҳо муҳити илмӣ ва тиҷоратиро мепайвандад, балки Тоҷикистонро ҳамчун маркази навбатии AI дар Осиёи Марказӣ муаррифӣ мекунад.
Конфронс таҳти шиори “The Future of Artificial Intelligence is Being Built Here and Now!” (“Ояндаи зеҳни сунъӣ маҳз ҳамин ҷо ва ҳамин ҳоло сохта мешавад!”) баргузор шуда, беш аз 30 кишвари ҷаҳон, аз ИМА то Фаронса, аз Амороти Муттаҳидаи Араб то кишварҳои Осиёи Марказӣ дар он намоянда хоҳанд дошт.
Дар маркази таваҷҷуҳ тавсеаи экосистемаи AI дар Тоҷикистон, татбиқи зеҳни сунъӣ дар соҳаҳои иқтисод, маориф, тандурустӣ ва энергетика, ҳамчунин ҷалби сармоягузориҳои байналмилалӣ ба лоиҳаҳои навоварона мебошад.
Дар рӯзномаи конфронс мубоҳисаҳо ва мубодилаи таҷрибаҳо сурат гирифта, бобати нақшаи миллии рушди зеҳни сунъӣ дар Тоҷикистон низ гуфта мешавад.
Қоҳир Расулзода, сарвазири Тоҷикистон, Шералӣ Кабир, вазири саноат ва технологияҳои нави Ҷумҳурии Тоҷикистон; Азизҷон Азимӣ, раиси Шӯрои зеҳни сунъӣ суханронӣ мекунанд.
Карим Айюб, ноиби президенти Google DeepMind, Сара Ҳукер – ҳаммуассиси Adaption Labs, Ҷаннета Табаков – роҳбари рушди ширкат Perplexity AI, Антон Ҷораев, директори минтақавии NVIDIA барои кишварҳои ИДМ, Аукен Тунгатарова, мутахассиси маорифи рақамии ЮНИСЕФ, Артур ван Дисен – намояндаи ЮНИСЕФ дар Тоҷикистон, Юсеф Салим, директори молиявии ADNOC Drilling, Магжан Мадиев, директори генералии Astana Hub
ва дигар мутахассисони соҳаи технология суханронӣ мекунанд.
Акс аз шабакаи фейсбук
