Занҳо ҳангоми сӯҳбат бо зеҳни сунъии «Алиса» нисбат ба мардон боадаб будаанд. Бино ба таҳқиқоти ширкати Яндекс, насли калонсол нисбат ба ҷавонон ва занҳо нисбат ба мардон ҳангоми муошират бо ёвари рақамии «Алиса» боадабтар мебошанд.
Тибқи таҳқиқот, дар рӯзи аввали шиносоӣ истифодабарандагон эҳсосотӣ ва фаъолона вокуниш нишон медиҳанд, паёмҳои хушмуомила ва дағал дар ин марҳила ба сатҳи баландтарин мерасад. Аммо бо гузашти вақт ва одат кардани одамон ба ёвари рақамӣ, таваҷҷуҳ ба истифодаи одоби сухан паст мешавад. Пас аз шаш моҳ шумораи калимаҳои изҳори миннатдорӣ ва салом қариб ду баробар кам мегардад.
Яке аз нишонаҳои хушмуомилагӣ, муроҷиат ба ёвар бо номаш будааст. Дар рӯзи аввали истифода, дар ҳар даҳум паём корбарон «Алисаро» бо ном садо мекарданд. Дархостҳои овозӣ дараҷаи баландтари муносибати шахсӣ нишон медиҳанд нисбат ба паёмҳои матнӣ. Бо мурури замон истифодабарандагон бештар ба супоришҳои мустақим мегузаранд, бе истифодаи ибораҳои муқаддимавӣ.
Занҳо ибораҳои хушмуомиларо тақрибан 20% бештар аз мардон истифода мекарданд ва 25% бештар ба «Алиса» бо ном муроҷиат менамоянд. Гурӯҳи синну соли аз 55 боло боадабтарин ба ҳисоб меравад — дар тақрибан 7% паёмҳои онҳо унсурҳои одоби сухан дида мешавад. Ҷавонони 18 то 24-сола ин корро тақрибан се маротиба камтар анҷом медиҳанд.
