Trump Mobile, ки аз ҷониби Trump Organization бунёд шудааст, эълон намуд, ки стратегияашро тағйир дода, ба фурӯши смартфонҳои барқароршуда оғоз мекунад. Ин тасмим пас аз он гирифта шуд, ки “смартфони Трамп” T1 бо рӯйкашҳои тиллоӣ, ки интизораш буданд, ҳанӯз омода нашудааст, агарчи тибқи нақша моҳи сентябр бояд ин кор амалӣ мегардад, аммо мӯҳлат ба вақти номаълум ба таъхир афтод.
Ҳоло Trump Mobile моделҳои барқароршудаи iPhone 15, iPhone 14, Samsung Galaxy S24 ва Galaxy S23-ро пешниҳод мекунад. Ҳамаи ин дастгоҳҳо дар ИМА истеҳсол нашудаанд. Нархи онҳо аз 369 доллар барои Galaxy S23 то 629 доллар барои iPhone 15 мебошад.
Бо вуҷуди ин, нархҳо назар ба бозор хеле баланданд: iPhone 15 дар Trump Mobile 100 доллар гаронтар аз мағозаи расмии Apple аст, iPhone 14 бошад 40 доллар гаронтар. Барои смартфонҳои барқароршудаи Samsung низ дар дигар нуқтаҳо нархҳои арзонтар ёфтан имкон дорад.
Харид аз Apple оқилонатар аст, зеро дастгоҳҳо бо истифода аз қисмҳои аслии ширкат навсозӣ шуда, бо кафолати яксолаи расмӣ меоянд. Дар ҳоле ки Trump Mobile чунин кафолат намедиҳад.
