Чат-ботҳое, ки бар пояи зеҳни сунъӣ (AI) сохта шудаанд, тақрибан дар 50%-и ҳолатҳо ба дархостҳо дар соҳаи тиб ва саломатӣ ҷавобҳои нодуруст додаанд. Тибқи як пажӯҳише, ки дар маҷаллаи илмии тиббии BMJ Open нашр кардааст, бештар аз ҳама хато аз ҷониби Grok содир шудааст.
Дар таҳқиқот панҷ чат-боти маъруф иштирок доштанд: Gemini, DeepSeek, Meta AI, ChatGPT ва Grok. Ба ҳар яке аз онҳо даҳ савол вобаста ба мавзӯҳои саратон, эмгузаронӣ, ҳуҷайраҳои бунёдӣ, ғизо ва варзиш дода шуда, ҷавобҳои гирифташуда барои арзёбӣ ба коршиносон ирсол гардиданд.
Муҳаққиқон қайд карданд, ки сифати ҷавобҳо миёни чат-ботҳо тақрибан дар як сатҳ буд, вале Grok нисбатан бештар ҷавобҳои пур аз иштибоҳ пешниҳод мекард. Зикр шудааст, ки беҳтарин натиҷаҳо зеҳни сунъӣ дар мавзӯъҳои эмгузаронӣ ва саратон нишон доданд, дар ҳоле ки заифтарин нишондиҳанда дар мавзӯи ғизо буд. Чат-ботҳо қариб ҳамеша бо итминон ҷавоб медоданд ва танҳо дар ду ҳолат аз 250 ҳолат аз посух додан худдорӣ карданд.
Илова бар ин, ҳеҷ яке аз системаҳои зеҳни сунъӣ натавонист рӯйхати пурра дурусти манбаъҳоро пешниҳод кунад. Ба ҷои ин, онҳо хаёлпардозӣ ба истилоҳ “галлюцинация” доштанд, яъне манбаъҳоро худ мебофтанд. Ба баҳогузории муҳаққиқон, натиҷаҳои ҷавобҳо барои фаҳмидан душвор буданд, зеро сатҳи мураккабии онҳо ба матнҳои донишҷӯёни курси дуюм баробар буд.
ПИСАНД ОМАД? БО ДӮСТОНИ ХУД МУБОДИЛА КУНЕД!
+1
+1
+1
+1
+1
+1
+1
