ИМА аз роҳбарони Аврупо даъват намудааст, ки зидди Ҳиндустон ва Чин таҳрим ҷорӣ кунанд.
Мақомоти ИМА аз кишварҳои Аврупо даъват дорад, ки таҳримҳо алайҳи Ҳиндустон, аз ҷумла қатъ кардани пурраи интиқоли нафт ва газро ҷорӣ намоянд. Дар ин бора нашрияҳои Axios ва India Today бо истинод ба манбаъҳои худ хабар додаанд.
Ҳукумати президенти ИМА Доналд Трамп аз роҳбарони Аврупо талаб дорад, ки мисли Амрико ба боҷҳои иловагӣ барои молҳои Ҳиндустон ҷорӣ кунанд. Аз 27 август боҷи иловагии 25-фоизаи амрикоӣ ба воридоти молҳои ҳиндустонӣ мавриди амал қарор гирифт. Ҳоло меъёри умумӣ барои Ҳиндустон 50% мебошад.
Ба иттилои Axios, ИМА инчунин аз Аврупо талаб дорад, ки ба молҳои Чин низ боҷҳои иловагӣ ҷорӣ намоянд. Як мансабдори баландпояи Кохи Сафед ба рӯзноманигорон гуфтааст, ки аврупоиҳо наметавонанд низоъ дар Украинаро ба таъхир андозанд ва интизориҳои беасосро сафед намоянд, ҳамзамон интизор шаванд, ки хароҷотро ИМА мепӯшонад.
