Google шабакаи ҷаҳонии смартфонҳои Android-ро ба системаи пуриқтидори огоҳкунандаи заминларза табдил дод.
Ширкати Google шабакаи ҷаҳонии смартфонҳои Android-ро ба як системаи пуриқтидори муайянсозии заминларза табдил додааст. Ин система аллакай ба миллионҳо одамон дар 98 кишвари ҷаҳон ҳушдор ирсол менамояд то ҷои амн пайдо кунанд. Дар бораи ин технологияи нав дар блоги расмии Google иттилоъ дода шудааст.
Технология бо номи Android Earthquake Alerts System (Системаи огоҳкунандаи заминларзаи Android) маъмул буда акселерометрҳои дохилии смартфонҳо-ро истифода мебарад. Ҳангоме ки телефон дар ҳолати беҳаракат мавҷи ибтидоии P (пеш аз зарбаи асосӣ)-ро ҳис мекунад, сигнал ба серверҳои Google фиристода мешавад. Система маълумоти садҳо дастгоҳро таҳлил карда, заминларзаро тасдиқ мекунад, шиддат ва макони онро муайян месозад ва огоҳӣ мефиристад.
Система ду навъи огоҳӣ дорад:
-
BeAware («Огоҳ бош» – барои ларзишҳои сабук)
-
TakeAction («Иқдом намо» – барои ларзишҳои шадид), ки тамоми экранро фаро мегирад ва бо садои баланд ҳушдор медиҳад.
Ҳадаф аз он – расонидани огоҳӣ одамони зиёд пеш аз расидани мавҷи сусту харобкунандаи S мебошад.
Дар давоми 4 соли фаъолият, система беш аз 18 000 заминларзаро бо шиддати аз 1.9 то 7.8 сабт кардааст. Ба туфайли ин лоиҳа, шумори одамоне, ки ба низоми огоҳии барвақт аз заминларза дастрасӣ доранд, аз 250 миллион дар соли 2019 то 2,5 миллиард дар имрӯз афзоиш ёфтааст.
Самаранокии система бо мисолҳои воқеӣ тасдиқ шудааст. Масалан, ҳангоми заминларзаи шиддати 6,2 дар Туркия дар соли 2025, аввалин огоҳӣ ҳамагӣ 8 сония пас аз оғози ларзиш фиристода шудааст.
