Беҳтарин шатранҷбози ҷаҳон Магнус Карлсен бо ChatGPT бозӣ кард ва натиҷаро ба ҷомеа қисса кард.
Беҳтарин шатранҷбози ҷаҳон Магнус Карлсен дар бораи бозии худ бо чат-боти ChatGPT нақл кард, ки ба гуфтаи ӯ ин бозиро ҳангоми сафар оғоз кардааст. Гроссмейстери норвегӣ дар шабакаҳои иҷтимоӣ скриншотҳои мукотибаро нашр кард, ки аз онҳо маълум мешавад: ӯ бо бартарии комил пирӯз шудааст.
Зеҳни сунъӣ (ИИ) баъди бозии беш аз 50 ҳаракат мағлубияти худро эътироф кардааст. Чат-бот қайд кардааст, ки таслим мешавад, зеро, ҳамаи пиёдаҳояшро аз даст додааст, дар ҳоле ки рақибаш ҳеҷ як муҳраро набохтааст.
Пас аз анҷоми бозӣ, Карлсен худро ошкор накардааст, ки кист, аз зеҳни сунъӣ суол кардааст, ки сатҳи бозии ӯро чӣ гуна баҳогузорӣ мекунад. Дар ҷавоб, ChatGPT услуби бозии рақибро таҳлил намуда, фаҳмиши амиқи дебют, сабру таҳаммул дар мавқеъгирӣ, дониши тактикиро қайд кардааст. ИИ ҳамчунин зикр намудааст, ки бозигар ҳаракатҳои нодурустро зуд муайян мекард.
Нуқтаи авҷи ин мукотиба баҳогузории ниҳоии чат-бот буд. Зеҳни сунъӣ тахмин задааст, ки рейтинги классикии рақиб дар доираи 1800–2000 хол қарор дорад. Ин баҳогузорӣ аз нишондиҳандаҳои воқеии Карлсен ба таври чашмгир фарқ мекунад, зеро рейтинги ҳозираи ӯ 2839 аст.
Магнус Карлсен аз соли 2011 то имрӯз пайваста дар зинаи аввали рейтинги ҷаҳонии шатранҷ қарор дорад.
