Мавзӯи «Go Viral 2023: Илҳом ва ҷалб» буд. Дар ҷашнвора беш аз 30 мутахассис аз ширкату созмонҳои гуногун, аз ҷумла, «Алиф Бонк», «Илмхона», Ташкилоти амонатии қарзии хурди «Ҳумо», «Кока-Кола» ширкат варзиданд. Ҷашвораи Go Viral рӯзҳои 26-27 май дар Душанбе баргузор гардид. Садҳо нафар дар чорабинии мазкур ширкат карданд. Фестивали мазкур соли сеюм аст, ки дар Тоҷикистон баргузор гардида, ба рушди соҳаи медиа, тиҷорат, технология ва фарҳанг авлавият медиҳад. Дар фестивалҳо ашхоси муваффақи соҳа табодули афкор мекунанд то ҳавасмандӣ бештар гардад.
Go Viral -ҷашнвораи минтақавӣ ва платформаи ҳарсолаи пайвастшавӣ ва ташкили ҷомеаи намояндагони ВАО, тиҷорат, фарҳанг ва технология дар кишварҳои Осиёи Марказӣ мебошад. Лоиҳа аз ҷониби Департаменти давлатии ИМА маблағгузорӣ шуда, аз ҷониби намояндагиҳои дипломатӣ дар Осиёи Марказӣ дастгирӣ мегардад. Аз октябри соли 2021 лоиҳа аз ҷониби IWPR дар Осиёи Марказӣ амалӣ карда мешавад.
Аз соли 2017 Go Viral ба рӯзноманигорон, соҳибкорон, филмсозон ва оҳангсозон барои рушди ВАО, фарҳанг, тиҷорат ва технология илҳом мебахшад.
