Central Asia Gateway (Роҳнамои иттилооти тиҷоратии Осиёи Марказӣ) дар Ҳамоиши ҷаҳонии сармоягузорӣ ҷоизаи “Беҳтарин пойгоҳи иттилооти тиҷорати”-ро ба даст овард. Ҳамоиши мазкур ҳар ду сол бо иштироки сарварони кишварҳо, мудирони ширкатҳои ҷаҳонӣ, вазирҳо ва раҳбарони созмонҳои байнулмилалӣ баргузор мегардад. Ҳамоиш имсол аз 16-ум то 20-уми октябри соли 2023 дар шаҳри Абу-Забии Имороти Муттаҳидаи Араб барпо шудааст.
Central Asia Gateway ҳамчуни пойгоҳи маълумот аз Порталҳои миллии савдои ҳар панҷ кишварро, ки онҳо низ дар доираи лоиҳаи Ready4Trade Осиёи Марказӣ таҳия гардидаанд, дар як торнамо ҷамъ меорад, то дастрасии осони истифодабарандагонро ба маълумот дар бораи расмиёти савдои фаромарзӣ таъмин намояд.
Central Asia Gateway ва шабакаи он 280 намуди мол ва хидматрасониҳоро фаро гирифта, аз моҳи майи соли 2023, ки роҳандозӣ гардида буд, то имрӯз 195 000 бор боздид шудааст.
Маркази тиҷорати байналмилалӣ ба ширкатҳои микро, хурд ва миёнаи тиҷорӣ дар кишварҳои дар ҳоли рушд кӯмак мерасонад, ки дар бозори ҷаҳонӣ рақобатпазиртар шаванд ва ба ин тартиб барои расидан ба Ҳадафҳои рушди устувори СММ саҳм гузоранд.
