Дастаи мунтахаби ҷавонони Тоҷикистон (U-20) дар доираи омодагӣ ба даври ниҳоии Ҷоми Осиё-2023 ба ҷамъомади дувуми тамринӣ шурӯъ кард.
Олег Кубарев ба ин лагер 28 бозигар – 3 дарвозабон, 9 ҳимоятгар, 10 нимҳимоятгар ва 6 ҳамлагар даъват кардааст. Ба далели номусоидии обу ҳаво ин даста тамрини худро дар толори пӯшидаи Академияи Ювентус дар Душанбе баргузор мекунад.
Тими ҷавонони Тоҷикистон (U-20) пас аз анҷоми ҷамъомади таълимиву тамринӣ дар Душанбе рӯзи 19 январ ба Анталия сафар карда, тӯли як моҳ чанд бозии назоратӣ анҷом медиҳад.
Бояд гуфт, даври ниҳоии Ҷоми Осиё-2023 байни дастаҳои ҷавонони то 20-сола аз 1 то 18 март дар Узбакистон баргузор мешавад. Дар мусобиқоти қаҳрамонии Осиё «Тими ҷавонон»-и Тоҷикистон дар гурӯҳи «С» баромад карда, дар он бо дастаҳои Урдун (2 март), Уммон (5 март) ва Кореяи Ҷанубӣ (8 март) бозӣ мекунад.
Пас аз ин бозиҳо чаҳор тими беҳтарин соҳиби роҳхат ба Ҷоми ҷаҳонии футбол-2023 дар Индонезия хоҳанд шуд.
Акс аз fft.tj
