Дар Чемпионати CAFA-2025 миёни наврасон мунтахаби наврасони Тоҷикистон (U-16) бар дастаи Ӯзбекистон (4:3) пирӯзӣ ба даст оварда, ғолиби чемпионат гардид.
Аз рӯи ҷамъбасти мусобиқоти қаҳрамонии Ассотсиатсияи футболи Осиёи Марказӣ (CAFA), ки дар Тошканд бо пирӯзии тими наврасони Тоҷикистон (U-16) анҷом ёфт, ду бозигари тими мо бо ҷоизаҳои инфиродӣ сарфароз гардонида шуданд.
Дарвозабон Абубакр Раҳмонқулов беҳтарин дарвозабони мусобиқа дониста шуда, нимҳимоятгар Меҳрубон Одилзода, ки дар бозии ниҳоӣ ба муқобили тими Ӯзбекистон ду гол зад, ҷоизаи беҳтарин бозигари чемпионати CAFA- 2025-ро соҳиб шуд.
Бояд гуфт, ки тими наврасони мо таҳти роҳбарии Далер Каёсов дар ин мусобиқа се бозӣ анҷом дода, бар тимҳои Туркманистон (4:1), Афғонистон (3:0) ва Ӯзбекистон (4:3) пирӯзӣ ба даст оварданд.
ПИСАНД ОМАД? БО ДӮСТОНИ ХУД МУБОДИЛА КУНЕД!
+1
+1
+1
+1
+1
+1
+1
