Вазорати тандурустӣ ва ҳифзи иҷтимоии аҳолӣ, Агентии давлатии ҳифзи иҷтимоии аҳолӣ, Агентии меҳнат ва шуғли аҳолӣ ва Мақомотҳои ҳокимияти давлатӣ дар самти расонидани кумакпулии унвонии иҷтимоӣ ниҳодҳои ваколатдор дониста мешаванд.
Вазорати тандурустӣ ва ҳифзи иҷтимоии аҳолӣ сиёсати давлатиро дар самти расонидани кумакпулии унвонии иҷтимоӣ амалӣ менамояд. Шакл ва намуди ҳуҷҷатҳои заруриро барои таъин намудани кумакпулии унвонии иҷтимоӣ таҳия ва тасдиқ менамояд. Барномаи электронии низоми иттилоотии кумакпулии унвониро ташкил мекунад.
Усулҳои муайян намудани камбизоатии оилаҳо ва шаҳрвандон барои гирифтани кумакпулии унвонии иҷтимоӣ, инчунин индикаторҳои муайянкунандаи вазъи некуаҳволии аҳолӣ барои таъин кардани кумакпулии унвонии иҷтимоӣ низ ба Вазорати тандурустӣ вобаста гардидааст.
Агентии давлатии ҳифзи иҷтимоии аҳолӣ махзани ягонаи маълумотро дар бораи оилаҳо ва шаҳрвандони камбизоат ташаккул медиҳад. Механизми таъин ва пардохти кумакпулии унвонии иҷтимоиро ба шаҳрвандон ва оилаҳои камбизоат амалӣ мекунад.
Рӯйхати оилаҳо ва шаҳрвандони камбизоатро, ки дар сатҳи пасти камбизоатӣ қарордоштаро тартиб дода, барои дастгирии минбаъдаи иҷтимоӣ ва расонидани кумаки моддӣ ба онҳо ба мақомоти иҷроияи маҳаллии ҳокимияти давлатӣ пешниҳод менамояд.
Агентии меҳнат ва шуғли аҳолӣ бошад тибқи рӯйхатҳои пешниҳоднамудаи Агентии давлатии ҳифзи иҷтимоии аҳолӣ аъзои қобили меҳнати оилаҳои камбизоатро ба ҳисоб гирифта, барои бокортаъминкунии онҳо чораҷӯйӣ менамояд.
Мақомотҳои иҷроияи маҳаллии ҳокимияти давлатӣ бо мақсади амалисозии механизми таъин ва пардохти кумакпулии унвонии иҷтимоӣ ба оилаҳо ва шаҳрвандони камбизоат, комиссияҳои маҳаллиро таъсис медиҳанд. Фаъолияти муназзами бахшҳои ҳифзи иҷтимоии аҳолӣ ва ҷамоатҳои шаҳраку деҳотро вобаста ба амалӣ намудани механизми таъин ва пардохти кумакпулии унвонии иҷтимоӣ ба оилаҳо ва шаҳрвандони камбизоат ташкил менамоянд. Бо мақсади баррасии саривақтии муроҷиати оилаҳо барои гирифтани кумаки унвонии иҷтимоӣ, санҷидани дурустии ҳуҷҷатҳои пешниҳодшуда масъул мебошанд.
Агар худро камбизоат мешуморед ва ё ба индикаторҳое, ки барои дарёфти ин кумакҳо ба Шумо ҳақ медиҳад, худро ҷавобгӯ медонед, метавонед муроҷиат намоед.
Маълумоти бештар дар эксплейнери мо:
