Лоиҳаи тағйироти ҳукумати Русия ба Думаи давлатии ин кишвар ворид шуд, ки тибқи он ба муҳоҷирон иҷоза дода мешавад бо як патент дар ду минтақа кор кунанд. Корфармоёни як минтақа метавонанд хориҷиёнеро, ки дар ҳудуди минтақаи дигар патент гирифтаанд, ба кор қабул кунанд. Тибқи лоиҳаи пешниҳодшуда, ин нақша танҳо дар Маскав ва вилояти Маскав, Санкт-Петербург ва вилояти Ленинград амалӣ хоҳад шуд.
Дар сурати дастгирӣ ёфтани пешниҳоди ҳукумат аз ҷониби Дума, он аз 1 сентябри соли 2025 эътибор пайдо мекунад.
Тағйирот ба қонун «Дар бораи вазъи ҳуқуқии шаҳрвандони хориҷӣ дар Федератсияи Русия» ворид мегардад. Таҳлилҳо нишон додаанд, ки ҳудуди 15%-и муҳоҷироне, ки барои патент дар вилояти Маскав муроҷиат мекунанд, дар Маскав ба қайд гирифта шудаанд ва тақрибан 8% хориҷиёне, ки дар пойтахти Русия патент мегиранд, дар вилоят ба қайд гирифта шудаанд.
