Ҳукумати Австралия истифодаи DeepSeek, як стартапи чинӣ дар соҳаи зеҳни сунъиро дар ҳама дастгоҳҳои давлатӣ манъ кард ва инро бо нигарониҳо дар робита ба амният асоснок намуд.
Вазири корҳои дохилӣ барои ҳама сохторҳои ҳукуматӣ фармони ҳатмӣ содир кард, ки «пешгирии истифода ё насби маҳсулот, барномаҳо ва веб-сервисҳои DeepSeek, инчунин нест кардани ҳама нусхаҳои мавҷудаи ин маҳсулот, барномаҳо ва веб-хадамотҳо аз ҳама системаҳо ва дастгоҳҳои ҳукуматиро» пешбинӣ мекунад.
Тони Берк, вазири корҳои дохилии ин кишвар изҳор доштааст, ки DeepSeek барои технологияҳои ҳукуматӣ «хатари ғайри қобили қабул» дорад. Тибқи хабарҳои расонаҳои австралиягӣ, қарори манъи фаврӣ ҳадафи «ҳимояи амният ва манфиатҳои миллии Австралия»-ро дорад.
Манъкунӣ ба дастгоҳҳои шахсони воқеӣ дахл надорад.
Ёдовар мешавем, ки ба кор андохтани DeepSeek дар моҳи гузашта боиси паст шудани саҳмияҳои ширкатҳои технологӣ дар саросари ҷаҳон гардид.
Австралия дар пайравӣ бо Италия DeepSeek чораҳои шабеҳ андешид. Як қатор кишварҳои дигари Аврупо ва минтақаҳои дигар низ фаъолияти ин ширкати AI-ро меомӯзанд. Тайван низ истифодаи DeepSeek-ро дар идораҳои давлатӣ манъ кард.
