Соли 2024 аз рӯи шумораи ҳамлаҳои сайберӣ рекорди нав гузошта шуд ва шумораи ин ҳамлаҳо нисбат ба як соли пеш (2023) 108% афзудааст. Дар ин бора ширкати StormWall хабар медиҳад.
Дар садри рейтинг ИМА қарор дошта, 14,3%-и ҳамлаҳо ба ин кишвар рост омадаанд. Дар мақоми дуюм Чин (12,8%), дар зинаи сеюм Ҳиндустон (10,2%) ҷой гирифтаанд.
Афзоиши якбораи ҳамлаҳо ба ИМА моҳи ноябр дар робита бо интихоботи президентӣ мушоҳида шуда, осебпазирии кишварҳоро дар арафаи рӯйдодҳои бузурги сиёсӣ нишон медиҳад.
Дар панҷгонаи аввал ҳамчунин Британияи Кабир (9,8%), Фаронса (9,2%) ва Олмон (8,4%) низ ворид шудаанд, ки афзоиши ҳамлаҳо дар онҳо қисман бо интихобот дар парлумони Аврупо алоқаманд будааст.
Аморати Муттаҳидаи Араб (8,1%) аз ҳамлаҳои ҳадафмандона ба соҳаҳои молиявӣ, тафреҳӣ ва чакана осеб дидааст. Дар даҳгонаи кишварҳои бештар ҳамлашуда Сингапур (6,8%), Исроил (5,4%) дохиланд. Русия дар ин раддабандӣ мақоми ҳаштумро ишғол намуда, 7,3%-и ҳамлаҳо ба ин кишвар рост омадааст.
Украина дар мақоми 12-ум (2,6%) ҷойгир аст. Афзоиши ҳамлаҳои сайберӣ дар ҷаҳон ҳам бо рушди технологияҳо ва ҳам бо бад шудани вазъи геополитикӣ алоқаманд донистаанд
