Тибқи иттилои сарчашмаҳо дар доираҳои ҳукумати ИМА ва ширкатҳои пешқадами марбут ба зеҳни сунъӣ ҳафтаҳои наздик пешрафти инқилобие эълон хоҳад шуд. Интизор меравад, ки ширкати OpenAI «суперагентҳои» зеҳни сунъиро муаррифӣ кунад, ки қодиранд вазифаҳои мураккаберо иҷро кунанд, ки сатҳи тахассуси доктори илмро талаб мекунанд. Дар ин бора нашрияи Axios хабар медиҳад.
Зеҳни сунъӣ дар ин сол ба иваз кардани мутахассисони зинаи миёна, аз ҷумла барномасозон, шурӯъ мекунад.
Интизор меравад, ки «суперагентҳои» OpenAI қодиранд вазифаҳои мураккаб ва бисёрзинагии ҷаҳонро ҳал намоянд. Онҳо танҳо ба дастурҳо вокуниш нишон намедиҳанд, балки ҳадафҳоро пайгирӣ намуда, ҳаҷми бузурги маълумотро таҳлил мекунанд ва роҳҳалҳо пешниҳод менамоянд. Масалан, чунин агент қодир аст, ки мустақилона нармафзори нави пардохтро таҳия ва озмоиш кунад.
Бо вуҷуди ин, мушкилот низ вуҷуд доранд. Нодурустӣ ва «таваҳҳум»-и Зеҳни сунъӣ барои боварӣ ба агентҳои мухтор монеаи ҷиддӣ боқӣ мемонад. Агар OpenAI ва рақибони он натавонанд корбаронро ба эътимоднокии кори агентҳо бовар кунонанд, дидгоҳи онҳо метавонад шикаст хӯрад.
