Акнун Telegram метавонад дар посух ба дархостҳои ҳуқуқӣ суроғаҳои IP ва рақамҳои телефони шахсонеро, ки қоидаҳоро вайрон мекунанд, ба мақомоти ҳифзи ҳуқуқ ифшо кунад.
Павел Дуров, молики Telegram тарақи шабакаи худ дар Telegram эълон кард, ки барои пешгирӣ аз ҷинояткорӣ шартҳои хизматрасонӣ ва сиёсати махфияти худро нав карданд то онҳо дар саросари ҷаҳон мувофиқат намоянд.
«Мо возеҳ гуфтаем, ки суроғаҳои IP ва рақамҳои телефони онҳое, ки қоидаҳои моро вайрон мекунанд, метавонанд ба мақомоти дахлдор дар посух ба дархостҳои қонунии оқилона ифшо шаванд.Ин тадбирҳо бояд ҷинояткоронро рӯҳафтода кунанд. Ҷустуҷӯи Telegram барои дарёфти дӯстон ва кашфи хабарҳо пешбинӣ шудааст, на барои таблиғи моли ғайриқонунӣ. Мо намегузорем, ки бадкорон тамомияти платформаи моро барои тақрибан як миллиард корбар зери хатар гузоранд.»,-таъкид кардааст ӯ.
Рӯзи 20 сентябр рӯзномаи фаронсавии Le Figaro хабар дод, ки Telegram ба дархостҳои мақомоти Фаронса посух дода истодааст ва дархостҳо аз дигар кишварҳо низ ворид мешаванд. Дуров «қавл додааст, ки бо адлияи Фаронса ҳамкорӣ мекунад ва иҷрои талабҳои онро таъмин мекунад.», — изҳор дошт нашрия.
