Провайдерҳо суст кардани кори YouTube-ро табъиз ҳисобида ба Хадамоти федеролии зиддиинҳисории Русия шикоят бурдаанд.
Анҷумани «Ростелесет», ки 200 оператори алоқаи минтақавиро муттаҳид мекунад, барои суст шудани суръати YouTube ба Хадамоти федеролии зиддиинҳисорӣ муроҷиат карда, ин шароитро таъбиз ҳисоб кардааст. Дар ин бора хабаргузории РБК бо такя ба матни муроҷиатнома хабар медиҳад.
Анҷуман аз Хадамоти федеролии зиддиинҳисорӣ дархост кардааст, ки барои нақзи қонун «Дар бораи ҳифзи рақобат» парванда боз кунад ва қайд кардааст, ки сустшавии хадамоти Google, аз ҷумла, YouTube барои операторони алоқа шароити нобаробар эҷод мекунад. Ростелесет нигаронӣ кардааст, ки бад шудани дастрасӣ ба видеохостинг ба провайдерҳои интернет, махсусан ба операторони мобилӣ таъсир мерасонад.
Рӯзи 16 сентябр Роскомнадзор тасдиқ кард, ки аз нимаи моҳи июл барои суст кардани кори YouTube дар Русия талош дорад.
Акс аз шабакаи интернет
