26 январи соли равон дар шаҳри Ҳисор марҳилаи муқаддамотии Ҷоми Федератсияи футболи Тоҷикистон дар мавсими соли 2023 оғоз мегардад.
Ин марҳала дар минтақаи Душанбе ҳашт даста ширкат мекунанд.
Ба гурӯҳи «А» «Истиқлол», «Регар-ТадАЗ», «Кӯктош» ва «Равшан»-и Кӯлоб шомиланд. Дар гурӯҳи «В» дастаҳои ССКА, «Шодмон», «Душанбе» ва «Барқчӣ» бозӣ хоҳанд кард.
Ҳамаи бозиҳо дар минтақаи Душанберо Варзишгоҳи марказии Ҳисор мизбонӣ менамояд.
Пас аз ҷамъбасти даври гурӯҳӣ аз ҳар гурӯҳ ду даста ба даври ниҳоии Ҷоми ФФТ-2023, ки моҳи феврал баргузор мешавад, роҳ меёбанд.
Аз вилоятҳои Суғду Хатлон ду даста ба марҳилаи ниҳоии Ҷоми федератсия-2023 роҳхат мегиранд.
Ба иттилои Федератсияи футбол, имсол фонди умумии ҷоизаҳои Ҷоми ФФТ 100 ҳазор сомониро ташкил медиҳад. Ғолиби мусобиқа ба ҷуз Ҷом 50 000 сомонӣ дарёфт хоҳад кард. Барандаи медали нуқра 30 000 сомонӣ ва барандагони медали биринҷӣ 20 000 сомонӣ ба даст меоранд.
Акс аз сомонаи fft.tj
