ҲАЁТИ СОЛИМКумакпулиро чӣ гуна метавон дарёфт кард?

Кумакпулиро чӣ гуна метавон дарёфт кард?

-

Кумакҳои унвонии иҷтимоӣ, ки дар манотиқи гуногуни кишвар мардум бо номҳои гуногун, аз қабили «кумакпулӣ», «ёрдампулӣ» ё «ҷубронпулӣ» ном мебаранд,  барои нафарони камбизоат пешбинӣ шудааст. Нафаре, ки худро камбизоат шуморида, дар шароити душвори зиндагӣ қарор дорад ва имконияти аз ин ҳолат мустақилона баромаданро надорад, барои гирифтани кумаки унвонии иҷтимоӣ мақомоти маҳаллии ҳифзи иҷтимоӣ метавонад муроҷиат намояд.

Соли равон оила ё шахси камбизоат дар ҳаҷми 10 нишондиҳанда барои ҳисобҳо, яъне 720 сомонӣ ва   1 нишондиҳанда барои ҳар як кӯдак (72 сомонӣ) дарёфт карда метавонад.

Муроҷиат барои гирифтани кумакҳои унвонии иҷтимоӣ дар шакли хаттӣ аз тарафи шахс ва ё аз номи оилаи ӯ ба шуъбаю бахшҳои ҳифзи иҷтимоӣ бояд дастрас гардад.

Барои дарёфти кумаки унвонии иҷтимоӣ ин ҳуҷҷатҳо бояд пешниҳод карда мешаванд:
— ариза;
— шиносномаи аризадиҳанда
— маълумотнома дар бораи ҳайати оила ва ҷойи истиқомат;
— маълумот дар бораи даромад ва молу амволи ҳамаи аъзои оила.

Намунаи ариза
Намунаи маълумотнома дар бораи ҳайати оила

 

Намунаи ҳуҷҷат дар бораи даромад ва молу амволи ҳамаи аъзои оила

Ариза, маълумотнома дар бораи ҳайати оилаи камбизоат ва маълумот дар бораи даромад ва молу мулки ҳамаи аъзои оила бо имзои раис ё котиби ҷамоат, ва ё сардори идораи манзилию коммуналӣ тасдиқ бояд карда шавад.
Ҷамоатҳои шаҳраку деҳот, идораҳои манзилию коммуналӣ ва кумитаҳои маҳаллӣ аризаҳои шаҳрвандонро бо замимаҳояш қабул намуда, ба мақомоти маҳаллии ҳифзи иҷтимоӣ месупоранд.

Мақоми маҳаллии ҳифзи иҷтимоӣ ҳуҷҷатҳои аризадиҳандаро барои муайян намудани нишондиҳандаи умумии сатҳи некӯаҳволии оила онро ба махзани ягонаи маълумот бояд ворид намояд.

Баъд аз коркарди маълумот дар сервери марказии низоми иттилоотии барномаи компютерӣ тибқи талаботи Методикаи муайян намудани оилаҳо ва шаҳрвандони камбизоат маълум мегардад, ки ба шахс кумаки унвонии иҷтимоӣ таъин карда мешавад ё не.

Намунаи Огоҳинома оид таъини КУИ
Намунаи Огоҳинома оид ба рад кардани КУИ

Қарор дар бораи таъин ё рад намудан кумаки унвонии иҷтимоӣ дар натиҷаи коркарди маълумот дар махзани ягонаи низоми иттилоотии барномаи қабул гардида, ба аризадиҳанда хабарномаи хаттӣ ва ё электронӣ ирсол мешавад.

Нақши роҳбарони идораи манзилию коммуналӣ, раисони ҷамоат, кӯмитаҳои маҳал дар раванди иттилоотонии аҳолӣ хеле муҳим аст.

Инчунин масъулин ҳангоми қабули ариза бояд таваҷҷуҳ намоянд, ки ариза дуруст пур карда шавад ва дар ҳолати зарурӣ ба саволҳои аризадиҳандагон бояд ҷавоби дуруст пешниҳод намоянд.

Акси асосӣ аз шабакаи интернет

ПИСАНД ОМАД? БО ДӮСТОНИ ХУД МУБОДИЛА КУНЕД!
+1
10
+1
13
+1
2
+1
1
+1
3
+1
0
+1
0

ХАБАРҲОИ ОХИРИН

Бори аввал. Мунтахаби футзали Тоҷикистон ба Ҷоми ҷаҳон роҳ ёфт

Мунтахаби миллии Тоҷикистон оид ба футзал таҳти роҳбарии Пайрав Воҳидов дар даври 1/4 ниҳоии Ҷоми Осиё тими миллии Афғонистонро...

96%-и кӯдакони то 12-моҳа иммунизатсия шуданд

Соли равон мо 50-солагии Барномаи Васеи Иммунизатсия таҷлил мешавад. Соли 1990 дар Тоҷикистон сатҳи фавти кӯдакони то 5-сола баланд...

Медали биринҷии Темур Раҳимов дар Чемпионати Осиё

Темур Раҳимов (+100) дар Чемпионати Осиё оид ба ҷудо дар Ҳонконг, дар мубориза барои нишони биринҷӣ рақибаш Азамат Чочаев...

Соҳибкории иҷтимоӣ: талош барои тағйироти мусбат дар ҷомеа

Соҳибкории иҷтимоӣ тиҷоратест, ки ҳадаф аз таъсиси он рисолати иҷтимоӣ ва хайрхоҳона мебошад. Бо соҳибкории иҷтимоӣ метавон даромад гирифт ва...
spot_imgspot_img

Дар кадом навъи Samsung хати сабз пайдо мешавад?

Дар дисплейи баъзе аз телефонҳои Galaxy S21 хати сабзи борик пайдо мешаванд. Сабаби дақиқ маълум нест, аммо он метавонад...

Мушкилоти келинҳои донишҷӯ

Зиндагии донишҷӯ-келинҳо соддаву оддӣ нест. Ба ҷуз иштирок дар дарсҳои донишгоҳӣ ташвишҳои ҳаррӯзаи хона зам мешаванд. Бархе аз ин донишҷӯ-келинҳо...
spot_imgspot_img

Ба шумо инчунин метавонед писанд оядVIP
Ба шумо тавсия дода мешавад