Исми навраси тоҷик Эмомҳусайн Умаров ба Китоби рекордҳои Гиннес ворид гардид. Дар ин бораи Ризвон Ошурмамадов мураббии муҳорибаи омехта аз тариқи шабакаи ютубии хеш хабар дод. Шаҳодатномаи тасдиқкунанда низ дар ин толор ба Эмомҳусайн супурда шуд.
Эмомҳусайн Умаров ҳоло 11 сол дошта, ҳанӯз дар 7-солагӣ номаш расонаӣ гардида буд. Он замон расонаҳо навиштанд, ки 11 ҳазор болофишорӣ (отжимания) анҷом медиҳад. Падар ва тағои ин наврас идао доранд, ки 13 ҳазор болофишории Эмомҳусайнро ҳисоб кардаанд ва то кунун касе ба ӯ баробар нашудааст.
Ризвон Ошурмамадов мегӯяд, Эмомҳусайн дар ҳузури онҳо давоми 4,5 соат бе танаффус 5 ҳазору 200 болофишориро анҷом дод.
Эмомҳусайн Умаров намудҳои гуногуни машқҳои акрабатикиро низ бо маҳорати баланд иҷро мекунад ва ҳоло дар шаҳри Красноярск тамрин менамояд.
