Як шаҳрванди Чин дар Амрико бо гумони дуздии маълумоти марбут ба зеҳни сунъӣ аз Google боздошт шудааст. Дар ин бора Вазорати адлияи ИМА изҳорот пахш кардааст.
Бар асоси иттиҳом, Лингвей Дин, як шаҳрванди 38-солаи чинӣ, ки дар Калифорния зиндагӣ мекунад, сирри тиҷоратии Google ва дигар маълумоти махфии марбут ба фанновариҳои зеҳни сунъиро ба ҳисоби абрии шахсии худ интиқол додааст. Ният доштааст, ки пинҳонӣ ба ширкатхои РХХ фиристад, ки дар ҳамин соҳа ба тадқиқот машғуланд. Дар маҷмӯъ, гумонбар тавонистааст тақрибан 500 бастаи махфиро ба даст овардааст.
Директори FBI Кристофер Врей гуфтааст, «айбномаҳои имрӯза як мисоле навест, ки филиалҳои ширкатҳои чинӣ барои дуздии навовариҳои Амрико машғуланд. Дузди технологияҳои инноватсионӣ ва сирри тиҷоратӣ аз ширкатҳои амрикоӣ метавонад барои ҷойҳои корӣ арзиш дошта бошад ва оқибатҳои харобиовари иқтисодӣ ва амнияти миллӣ ба бор орад.»
Гуфта мешавад, ки Линвей Дин аз соли 2019 расман ба ҳайси муҳандиси нармафзор дар Google кор мекард ва ҳамзамон бо ду ширкати чинӣ, ки дар соҳаи AI кор мекунанд, ғайриқонунӣ ҳамкорӣ доштааст.
Дар сурати собит шудани гуноҳи Дин то 10 соли зиндон ва то 1 миллион доллар ӯро ҷарима таҳдид мекунад.