Авввалин мусоҳибаи созандаи ВКонтакте ва Telegram Павел Дуров баъд аз соли 2017 нашр шуд. Мусоҳиба бо рӯзномаи «Financial Times» анҷом шудааст.
Ин соҳибкор гуфтааст, Telegram ба яке аз маъруфтарин шабакаҳои иҷтимоӣ дар ҷаҳон табдил ёфта, шумори корбаронаш ба 900 миллион нафар расидааст. Дуров инчунин иддаоҳоро дар бораи он ки мақомоти Русия фишангҳо Telegram-ро дар даст доранд, рад кардааст.
Дар мусоҳиба бо Financial Times Павел Дуров гуфт, ки шумори корбарони Telegram ба 900 миллион нафар расидааст. Ба гуфтаи соҳибкор, мессенҷер ба шарофати мубодилаи таблиғотӣ ва обунаҳои премиум ба яке аз маъруфтарин шабакаҳои иҷтимоӣ дар ҷаҳон табдил ёфта, садҳо миллион доллар ба даст овардааст.
Ҳамзамон, муассиси мессенҷер гуфтааст, ки фондҳои фанновариҳои ҷаҳонӣ ин ширкатро беш аз 30 миллиард доллар арзёбӣ кардаанд. Аммо Дуров нақшаи фурӯши Telegram-ро надорад, вале фурӯши баъзе аз саҳмияҳоро ба корбарони доимии худ баррасӣ мекунад.
Дуров гуфтааст, Telegram метавонад сармояи бадастомадаро барои татбиқи чатбот дар асоси зеҳни сунъӣ (AI) сарф кунад. Амммо ҷузъиёти ин тарҳро ифшо накардааст.
Дуров ҳамчунин гуфт, ки Telegram дар соли 2024 дар робита ба баргузории чанд интихоботи президентӣ дар ҷаҳон низоми модератории худро такмил медиҳад.
