Ширкати мошинсозии Tesla тасмим гирифт, ки корхонаи наверо дар Ҳиндустон бунёд карда, мошини 24 000 доллариро ба бозор арза кунад.
Як манбаъ ба Reuters гуфтааст, Tesla ба бунёди як корхона дар Ҳиндустон, ки мошинҳои арзони барқро барои бозори маҳаллӣ ва содирот истеҳсол мекунад, манфиатдор аст.
Дар ин моҳ намояндагони Tesla бо вазири тиҷорати Ҳиндустон мулоқот хоҳанд кард то нақшаи бунёди як корхона барои тавлиди як мошини нави электрикӣ баррасӣ кунанд. Ин мошинҳо 24 ҳазор доллар арзиш хоҳанд дошт. Қаблан Илон Маск бо Нарендра Модӣ, нахуствазири Ҳинд мулоқот карда, гуфта буд, қасд дорад ба ин кишвар сармояи қобили мулоҳизае ворид кунад.
Мошини электрикии 2 миллион рупия ($24,000), ки Тесла ҳангоми муҳокимаи як корхонаи эҳтимолии Ҳиндустон дар бораи он сухан гуфт, тибқи гузоришҳо назар ба седан Model 3, ки дар Чин ба маблағи каме бештар аз 32,200 доллар фурӯхта мешавад, 25% арзонтар хоҳад буд.
