Пропаганда бо мақсади бор кардани фикр ё ҳадафи мушаххас истифода мешавад.
Чаро пропаганда истифода мешавад?
Пропаганда як абзорест, ки аудуторияро ба ҷои нишон додани аксуламали мантиқӣ водор мекунад, ки эҳсосотӣ амал намояд.
Як намунаи машҳури Пропаганда-плакатҳои сиёсӣ мебошад. Дар Ҷанги Дуюми Ҷаҳонӣ васеъ истифода шудаанд.
Ин плакатҳо барои даъвати мардон ба сафи артиш ва даъвати занон ба кор дар заводу корхонаҳо тартиб дода мешуданд.
Акнун бо пешрафти техналогия навиштаҳои таъсирбахш ба шабакаҳои иҷтимоӣ ва билбордҳои электронӣ роҳ ёфт.
Пропагандаи мусбат чист?
Пропагандаи мусбат дар тарғиби тарзи ҳаёти солим, маориф, муҳити зист ва дигар соҳаҳо истифода мешавад.
Пропагандаи мусбат як шакли тарғиботест, ки барои огоҳ кардани одамон ё ташвиқи онҳо ба коре барои кумак ба ҷомеа истифода мешавад.
Истифодаи интернет паҳншавии босуръати иттилоот боиси рушди пропаганда гардидааст. Яъне, Интернет ба майдони рақобати шадиди идеяҳо табдил ёфтааст. Дар фазои виртуалӣ ҳам ақидаҳои инсондӯстона, дониш, арзишҳо, инчунин ақидаҳои ифротгароӣ ва ошкоро маълумоти дурӯғ паҳн мешаванд.
Иштирокчиёни равандҳои иҷтимоию сиёсӣ барои таъсир ба ҷомеа аз воситаҳои гуногун истифода мебаранд.
Вақтҳои охир воситаи пропагандаи «ифлос» троллинг шудааст, яъне, интишори паёмҳои таҳрикомез барои барангехтани муноқишаҳо. Ин корро онҳое иҷро мекунанд, ки ҳоло бо номи «тролл», «фейк», «бот» шинохта шудаанд.
Рӯзноманигор Илҳоми Ҷамолиён мегӯяд, барои дар канор будан аз ҳар гуна тарғибот бояд аз ақл кор гирифт:
«Вақте гап дар бораи тарғибот ё худ пропаганда меравад, ин як навъ паҳн кардани ғоя бо мақсади ҷалб кардани тарафдорон аст. Вақте аз ақл кор мегиред, таҳлил мекунеду аз нигоҳи интиқодӣ ба ин даъватҳо, ба ин ғояҳо, ба ин андешаҳо назар мекунед, шумо дарк мекунед, ки он дасткорӣ аст, шуморо дасткорӣ карда истодаанд ё ин ки ҳадафашон ҳадафи хуб аст, ҳадафи бад аст.»,-мегӯяд ҷаноби Ҷамолиён.
Чӣ тавр пропагандаро дарк кард:
-Ба ҳеҷ кас набояд зуд бовар кард;
-Иттиллоотро набояд бо эҳсосот қабул намуд.
Маълумоти бештар дар эксплейнери мо:
