Беш аз 6 ҳазор дастпарварони мактабҳои варзишии шаҳри Душанбе ва минтақаи Бохтар донишҳояшонро оид ба допинг, оқибатҳои бади истифодаи доруҳои нерӯафзо, тарзи дурусти истеъмоли ғизо, ғизои солим ва ғайра комил мекунанд.
Кумитаи миллии олимпии Тоҷикистон Барномаи “Тибби варзиш ва назорати допинг”-и Ҳамбастагии олимпиро дар шаҳрҳои Душанбе ва Бохтар татбиқ мекунад.
Дар доираи барнома 17 ноябр дар шаҳрҳои Душанбе ва Бохтар барои масъулини мактабҳои варзишӣ семинари омӯзишӣ доир гардид. Чунин семинарҳо барои дастпарварони мактабҳои варзишии шаҳри Душанбе ва минтақаи Бохтари вилояти Хатлон баргузор хоҳад шуд.