МУВАФФАҚИЯТҒамхорони муҳити зист. Онҳо киҳоянд?

Ғамхорони муҳити зист. Онҳо киҳоянд?

-

Ташкили аксия барои тоза кардани соҳил

Икромҷон Мамадов,  роҳбари ТҶ “Гурӯҳи ҷавонон оид ба ҳифзи муҳити атроф” , ки дар вилояти Суғд фаъолият дорад, маҳсуб меёбад. Ҳамзамон ӯ масъулияти роҳбарии Маркази Орхус дар шаҳри Хуҷандро низ бар дӯш дорад. Ҳадафи асосии ин гурӯҳ ҷалби таваҷҷуҳи аҳолӣ, махсусан ҷавонон  ба масоили ҳифзи муҳити зист аст.

Дар давоми чанд соли охир ТҶ “Гурӯҳи ҷавонон оид ба ҳифзи муҳити атроф” чандин лоҳиҳои муҳимеро амалӣ кард. Аз ҷумла, дастрас кардани иттилооти экологӣ, рӯ овардан ба усулҳои нави обёрӣ, дастрасӣ ба оби тоза ва ғайра. 

«Тағйирёбии иқлим ва бехтарии об як лоиҳаи аҳамияти минтақавидоштаи ин созмон буд. Дар доираи он тавонистем, ки ба аҳолӣ, хосса, ҷавонон иттилоъ дар хусуси захираҳои ҳаётан муҳимро расонем. Дар доираи  лоиҳа бо 6 мактаби ҷамоатҳои Фирӯзоба, Патар ва Пӯлотони шаҳри Конибодом ҳамкорӣ кардем. Бо муаллимони ин мактбаҳо омӯзиши экологӣ гузарондем. Онҳо баъди омӯзиш ҳамчун нозирони сабз ба хонандаҳояшон ҳафтае як бор дарси маърифати экологӣ меомӯзанд. Дар якҷоягӣ бо Сарраёсати ҳифзи муҳити зист дастури омӯзише бо номи «Роҳнамо» таҳия кардем. Дар мактабҳо низ оби тозаи нӯшокӣ дастрас кардем. Дар доираи вохӯриҳо беш аз 500 нафар сокини ҷамоатҳо оид ба эҳтиёткорона истифода бурдани об, муҳиммияти обёрии қатрагӣ, сохтани гармхонаҳои муосир маълумот пайдо карданд. Ҳамчунин,  барои 10 оила кумак кардем то гармхона созанд ва дар он обёрии қатрагӣ гузаронанд.», — афзӯд Икромҷон Мамадов.

Ба бовари роҳбари Ташкилоти ҷамъиятии “Гурӯҳи ҷавонон оид ба ҳифзи муҳити атроф”, дар беш аз 90 фоизи шаҳрҳои сайёра  масъалаи ифлосшавии муҳит вуҷуд дорад.  Ҳаво бо сабабҳои субъективӣ  ва объективӣ рӯ ба ифлосшавӣ дорад.

«То соли 2021 имкон набуд, ки сокинони вилоятҳо аз нишондиҳандаҳои сифати ҳавои минтақаи  худ огоҳ шаванд. Аз ин рӯ, тасмим гирифтем, ки дар 7 шаҳру навоҳии ҷумҳурӣ ҳисобкунаке, ки сифати ҳаворо месанҷанд, насб кунем. Онҳо дар шаҳру навоҳии  Хуҷанд, Исфара,  Панҷакент,  Бӯстон, Хоруғ, Кӯлоб, Бохтар ва Муминобод гузошта шуд. Ҳисобкунакҳо чор нишондиҳандарочен мекунад, аз ҷумла, ҳарорат, намнокӣ, PM 10 ва PM 2,5. Барои саломатии инсон нишондиҳандаи PM 2,5 зиёновар аст. Агар дар як шабонарӯз чунин  ҳаворо нафас кашем, баробари як сигор зарар ба саломатиамон аст.», — изҳор дошт ӯ.

Ба тозагӣ Ташкилоти ҷамъиятии “Гурӯҳи ҷавонон оид ба ҳифзи муҳити атроф” бо ҳамроҳии Сарраёсати ҳифзи муҳити зист дао вилояти Суғд  аксияи экологӣ таҳти унвони «Тоза кардани соҳили Баҳри тоҷик»  баргузор карданд. 

Насби қуттии партов дар шакли зарфи пластикӣ

«Аз моҳи июн мавсими истироҳат ва оббозӣ дар соҳил оғоз шуд. Чун ҳарвақта тозагии соҳил масъалаи ташвишовар мешавад. Мутаассифона,  дар мо оддати бо худ бурдани партовҳо расм нагардидааст. Бинобар ин, дар чанд нуқтаи соҳил қуттии калони партов гузоштем.», — гуфт Икромҷон Мамадов.

Файзуллохон Обидов

ПИСАНД ОМАД? БО ДӮСТОНИ ХУД МУБОДИЛА КУНЕД!
+1
0
+1
4
+1
0
+1
0
+1
0
+1
0
+1
0

ХАБАРҲОИ ОХИРИН

Дастгирии лоиҳаи занони осепазир: таҷҳизоти хайётию пӯхтупаз ва чорво

Рисолат (номи шартӣ) хушунат дидааст. Ӯ ҷойи зист надорад ва дар бинои як муассисаи давлатӣ зиндагӣ мекунад. Ин зан дар...

Роҳандозии тарҷумони худкор дар WhatsApp

WhatsApp тарҷумони худкорро ба забони русӣ ва дигар забонҳо барои дастгоҳҳои Android ҷорӣ кард. Дар ин бора WABetaInfo (WBI)...

Redmi K70 Ultra бо нишони Lamborghini

Xiaomi эълон кард, ки смартфони Redmi K70 Ultra бо нишони Lamborghini пешниҳод месозад.  Интизор меравад, ки муаррифии модели  Redmi K70...

Эълони пардохти кумакпулӣ дурӯғ аст!

Эълон оид ба пардохти маблағ барои нафарони солҳои 1990-2024 фаъолияткарда асосӣ воқеӣ надорад. Вазорати меҳнат, муҳоҷират ва шуғли аҳолӣ бо...
spot_imgspot_img

77%-и кӯдакон дар Суғд ба кӯдакистон намераванд

Дар минтақаи Суғд 45 ҳазор кӯдак ба муассисаҳои томактабӣ фаро гирифта шудаанд. Давоми як соли охир фарогирӣ ба кӯдакистонҳо...

Таҳсили духтарон. Кадом мушкилиҳо вуҷуд дорад?

Моҳиолам Каримова аз минтақаи дурдасти кишвар аст. Бо вуҷуди ин, тавонист дар коллеҷи тиббии ноҳияи Рашт шомил гардад. Ӯ...
spot_imgspot_img

Ба шумо инчунин метавонед писанд оядVIP
Ба шумо тавсия дода мешавад