Сарони бузургҷуссаҳои соҳаи зеҳни сунъӣ ҳушдор доданд, ки зеҳни сунъӣ ба инсоният таҳдид мекунад ва бояд ҳамчун хатар дар баробари пандемия ва ҷангҳои ҳастаӣ баррасӣ шавад.
«Барои кохиши хатари аз байн нарафтани инсоният, зеҳни сунъӣ дар баробари дигар хатарҳои иҷтимоӣ, аз қабили пандемия ва ҷанги ҳастаӣ авлавияти ҷаҳонӣ касб кунад.»,- гуфта мешавад дар изҳорот.
Ба мактуби боз зиёда аз 350 нафар роҳбарон, тадқиқотчиён ва муҳандисоне, ки дар соҳаи зеҳни сунъӣ кор мекунанд, имзо гузоштаанд. Дар миёни онҳо роҳбарони баландпояи се ширкати пешрафтаи зеҳни сунъӣ — CEO OpenAI Сэм Алтман, директори генералии Google DeepMind Демис Хассабис ва директори генералии Anthropic Дарио Амодей ҳастанд.
Ин изҳоротро Ҷеффрӣ Ҳинтон ва Йошуа Бенҷио, ки барои корашон дар бахши шабакаҳои нейронӣ ҷоизаи Тюринг гирифтанд, имзо кардаанд. Онҳо инчунин аксар вақт ҳамчун падархонди AI-и муосир ном бурда мешаванд.
Ин изҳорот дар ҳоле нашр шуд, ки нигарониҳои афзоянда дар бораи зарари эҳтимолии зеҳни сунъӣ ба инсоният вуҷуд омадааст. Пайдоиши чатботҳои бо зеҳни сунъӣ фаъол ба монанди ChatGPT нигарониро ба вуҷуд овардааст, ки зеҳни сунъӣ ба зудӣ одамонро фаъолона аз кор хориҷ мекунад.
Аввали моҳи май, ҳаммуассиси LinkedIn Рид Ҳоффман дар мусоҳиба бо маҷаллаи Fortune изҳор дошт, ки рушди зеҳни сунъӣ боиси ихтисори оммавии кормандон дар ширкатҳо мешавад.
Акс аз шабакаи интернет
