Комиссияи Аврупо аз кормандонаш талаб кард, ки истифодаи шабакаи иҷтимоии TikTok-ро дар смартфонҳои кории худ қатъ кунанд. Дар ин бора Euractiv бо такя ба манобеи хеш хабар медиҳад.
Ин тасмим дар пасманзари тадбирҳои афзоянда ба беҳбуди амнияти сайберӣ дар Аврупо гирифта шудааст, гуфтааст манбаъ:
«Бо мақсади ҳифзи маълумоти Комиссия ва баланд бардоштани амнияти сайберии он, Шӯрои идоракунии корпоративии ИА тасмим гирифт, ки TikTok-ро аз дастгоҳҳои корпоративӣ ва инчунин дастгоҳҳои шахсии ба қайд гирифташуда дар хадамоти комиссия манъ кунад.»
Ин нафарон бояд то 15 марти соли 2023 TikTok-ро аз телефонҳои худ ҳазф кунанд. Онҳое, ки аз иҷрои ин шарт сарпечӣ мекунанд, барояшон дастрасӣ ба як қатор хадамоти корпоративӣ маҳдуд мешавад.
TikTok ба ширкати чинии ByteDance тааллуқ дорад.
Чанде қабл сенатори ҷумҳурихоҳ Ҷош Ҳовлӣ дар бораи ҷорӣ кардани қонун дар бораи боздоштани фаъолияти шабакаи иҷтимоии чинии TikTok дар Иёлоти Муттаҳида таъкид варзид.
«Моҳи гузашта Конгресс онро (TikTok) аз ҳама дастгоҳҳои ҳукумат манъ кард. Ҳоло ман лоиҳаи қонунро дар бораи манъи умумимиллии он пешниҳод хоҳам кард.”,-навишт ин сенатор дар twitter.
Илова бар ин, вай афзудааст, ки TikTok «чоҳии Чин дар ҳаёти амрикоиҳо» ва инчунин таҳдид ба маълумоти шахсии «фарзандони мо ва инчунин солимии равонии онҳост».
Аввали соли равон беш аз 20 иёлати ИМА ба хизматчиёни давлатии худ истифодаи ТикТокро манъ кардаанд. Инчунин истифодаи замимаҳои чинӣ, аз ҷумла TikTok, шабакаи иҷтимоии WeChat ва системаи пардохти AliPay манъ шудааст.
Акс аз шабакаи интернет
