Дирӯз, 20 феврали соли 2023 Президенти Туркия Раҷаб Тайип Эрдуғон дар ҷараёни боздидҳояш аз минтақаҳои зиёндида аз зилзилаҳои кишвараш ба вилояти Ҳатой (Ҳатай) омад ва бо кору фаъолияти наҷотдиҳандагони Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон низ аз наздик ошно шуд.
«Зимни суҳбат бо имдодгарон сарвари Туркия ба кору фаъолияти наҷотдиҳандагони тоҷик баҳои баланд дод. Вай ба Ҳукумати Тоҷикистон ва ҳамаи халқи тоҷик, ки дар ин рӯзҳои барои Туркия мусибатовар дар паҳлӯи онҳо қарор гирифтанд, кумаки башарӣ равон карданд ва имдодаронашон дар корҳои ҷустуҷӯву наҷоти офатзадагон ҳисса гузоштанд, самимона изҳори сипос кард.»-хабар медиҳад Кумитаи ҳолатҳои фавқуллодаи Тоҷикистон
Президенти Туркия ҳамчунин изҳор доштааст, ки аз ҷараёни корҳои наҷоту ҷустуҷӯ ва аз фаъолияти имдодарони ватаниву хориҷӣ огоҳии комил дорад ва дақиқа ба дақиқа пайгирӣ мекунад.
Акс аз сомонаи herhavadis.com
