Бори аввал табобати саратони ғадуди простата бо усули эндоскопӣ дар Дар Муассисаи давлатии “Маркази ҷумҳуриявии илмии саратоншиносӣ”-и Вазорати тандурустӣ ва ҳифзи иҷтимоии аҳолии Тоҷикистон бомуваффақият амалӣ гардид. Маркази матбуоти Вазорати тандурустӣ хабар медиҳад, ки бо ин усули нав ба 5 бемори гирифтори саратони ғадуди простата ҷарроҳии простатэктомия гузаронида шуд.
То ҷорӣ гардидани усули эндоскопӣ табобати ҷарроҳии саратони ғадуди прастата асосан бо усули анъанавии кушода гузаронида мешуд. Дар ин намуди ҷарроҳӣ буриши калон анҷом дода шуда, бо осеби зиёди бофтаҳо, хунравии нисбатан зиёд ва давраи тӯлонии барқароршавии беморон анҷом меёфт. Беморон баъди ҷарроҳии анъанавӣ муддати зиёд дар беморхона бистарӣ шуда, хатари пайдоиши оризаҳои баъдиҷарроҳӣ низ баландтар буд.
Усули эндоскопии ҷарроҳӣ бо буришҳои хурд анҷом дода шуда, хунравӣ ва осебнокии бофтаҳоро ба ҳадди ақал мерасонад. Дар натиҷа, дарди баъди ҷарроҳӣ камтар буда, муҳлати бистаришавӣ кутоҳ (6–7 шабонарӯз) мегардад. Илова бар ин, усули эндоскопӣ самаранокии баланди онкологӣ дошта, хатари оризаҳои баъдиҷарроҳиро коҳиш медиҳад. #онкология #рак #простата #таджикистан
ПИСАНД ОМАД? БО ДӮСТОНИ ХУД МУБОДИЛА КУНЕД!
+1
+1
+1
+1
+1
+1
+1
