Дар Қазоқистон молу мулки як русро мусодира карданд.
Ӯ барои ташкили нуқтаҳои мубодилаи ғайриқонунии крипто-асъор айбдор мешавад.
Ин нафар дар вилояти Қӯстанай ба «фаъолияти ғайриқонунии соҳибкорӣ» машғул будааст.
Агентии мониторинги молиявии Қазоқистон иттилоъ додааст, дар натиҷаи фаъолияти ғайриқонунӣ ин нафар аз моҳи июли соли 2020 то январи соли 2023 беш аз 180 миллион танга (тақрибан 397,5 ҳазор доллар) ба даст овардааст.
Чунин фаъолият дар Қазоқистон танҳо бо иҷозатнома ба роҳ монда шавад ва танҳо дар ҳудуди Маркази байналмилалии молии Остона дар Остона имконпазир аст.
Мақомоти ҳифзи ҳуқуқи Қазоқистон компютер, ҳуҷҷат ва ҳамёнҳои криптографиро мусодира карда баъзе дороиҳои рақамиро масдуд кардааст. Додгоҳ ҳамчунин амволи ин шаҳрванди Русияро ба маблағи 85 миллион тенге (тақрибан 187,7 ҳазор доллар), аз ҷумла амволи ғайриманқул ва дороиҳои рақамии дар биржаи крипто-асъорӣ ҷойгирбударо ҳабс кард.
