Дирӯз, 28 ноябри соли равон дастаҳои мунтахаби Камерун — Сербистон, Кореяи Ҷанубӣ — Гана ва Бразилия — Швейтсария рақобат карданд.
Дар бозии даври 2-юми марҳилаи гурӯҳии Ҷоми ҷаҳонии футбол-2022 дар Қатар Камерун ва Сербистон бо ҳисоби мусовӣ (3:3) холҳоро қисмат карданд.
Дар дақиқаи 29-уми нимаи аввал ҳимоятгари Камерун Жан-Шарлз Кастеллетто пас аз зарбаи кунҷӣ бо сараш ҳисобро боз кард. Дар дақиқаи 45-ум ҳимоятгари тими Сербия Страхиня Павлович бо зарбаи ҷаримавӣ ҳисобро баробар кард. Пас аз ду дақиқа нимҳимоятгари серб Сергей Милинкович-Савич бо зарбаи берун аз ҷаримагоҳ дастаашро ба пеш баровард.
Дар дақиқаи 53-юм ҳамлагари сербӣ Александр Митрович голи 51-умин худро дар ҳайати тими мунтахаби кишвар ба самар расонд ва бартариро барои дастааш овард. Дар дақиқаи 64-ум ҳамлагари Камерун Винсент Абубакр ҳисобро 2:3 намуд. Пас аз ду дақиқа ҳамлагар Эрик Чупо-Мотинг ҳисобро баробар кард.
Хар ду даста дар мусобиқа холҳои аввалинашонро ба даст оварданд. Ёдовар мешавем, ки дар даври 1-ум сербҳо аз Бразилия (0:2) ва камеруниҳо аз Швейтсария (0:1) шикаст хӯрда буданд.
Натиҷаи бозиҳои дирӯз:
Камерун — Сербистон — 3:3
Голҳо: Кастеллетто, 29; Абубакр. 63; Шупо-Мотинг, 66 — Павлович, 45+1; Милинкович-Савич, 45+3; Митрович, 53.
Кореяи Ҷанубӣ — Гана — 2:3
Голҳо: Чо Кю Сун, 58; Чо Кю Соон, 61 — Салису, 24; Кудус, 34; Кудус, 68.
Бразилия — Швейтсария — 1:0
Гол: Каземиро 83.
Акс аз шабакаи интернет
