Ширкатҳои дӯзандагии Тоҷикистон аввалин бор маҳсулоти варзишии худро дар ISPO Munich-бузургтарин намоишгоҳи маҳсулот ва либоси варзишӣ дар ҷаҳон ба намоиш мегузоранд.
Тоҷикистон дар қатори бештар аз 1500 ширкати дигар аз саросари ҷаҳон дар бузургтарин намоишгоҳи тиҷорати варзишӣ – Internationale Fachmesse für Sportartikel und Sportmode (ISPO), ки аз 28-ум тo 30-уми ноябри соли 2022 дар шаҳри Мюнхени Олмон баргузор мегардад, иштирок карда, маҳсулоти худро ба ҳазорон боздидкунанда намоиш медиҳад. Чор истеҳсолкунандаи либоси варзишии Тоҷикистон – “Ваҳдат Текстил”, “Гулистони Душанбе”, “Ноҳид” ва “Раҳимов A.A.” дар ин намоишгоҳ ҷӯробҳои варзишӣ, футболка ва поло, либоси муҳорибаҳои танбатан (кимоно, либоси муштзанӣ, кафшҳои муҳорибавӣ ва ғ.), либоси махсуси дастаҳои варзишӣ, жемпер ва костюмҳои варзишӣ, бастаҳои либосаи варзишӣ ва ғайраро ба маъраз мегузоранд. Онҳо, ҳамчунин, бо навтарин ва замонавитарин таҷҳизот, пойафзол ва либоси варзишии истеҳсоли брендҳои маъруфи ҷаҳонӣ ва бо тамоюлоти пешқадамтарини соҳаи варзиш ва тандурустию фитнес дар дунё ошноӣ пайдо мекунанд.
Иштирок дар намоишгоҳи ISPO ибтикори муштараки МТБ ва GIZ мебошад.
Акс аз сомонаи https://www.cmdsport.com/
