Миллионҳо нафар дар ҷаҳон интернетро барои беҳтар кардани зиндагии худ ва дигарон истифода мебаранд. Дар ҳамин ҳол, бархе барои зиён ба ҷомеа ва озор додани корбарони дигар аз интернет истифода мекунанд.
Тибқи гузориши Statista, дар соли 2020 аз сабаби пандемия зуроварӣ 20% афзоиш ёфт. Дар натиҷа корбарони интернет, бахусус занон, бештар осебпазир аз хушунати интернетӣ гардидаанд.
Зӯроварии олами маҷозӣ ҳама гуна рафторест, ки осудагӣ, оромии ҷисмонӣ, равонӣ ва эмотсионалии шахсро халалдор мекунад.
Дарвоқеъ, хушунати вертуалӣ ба рафтору кирдорҳои қасдан ва такрорӣ нисбат ба одамони дигар тавассути компютер, телефони мобилӣ ва дигар васоили коммуникатсионӣ дар шаклҳои гуногун, аз қабили таъқиб, таҳдиди мустақим, паст задани шаъну шарафи дигарон, ихроҷ аз гурӯҳҳо, шабакаҳо ва рӯйхати дӯстони онлайнӣ, таҳқир ва навъҳои дигар аст.
Оё шумо дар бораи зӯроварӣ аз тариқи интернет шунидаед?
Дар бораи чӣ гуна сурат гирифтани онҳо медонед?
Мехоҳем дар ин бобат бароятон бигӯем то огоҳ бошед ва аз онҳо дурӣ биҷӯед!
CATFISHING – дуздидани маълумоти шахсӣ, рамзи саҳифаҳо ва аз худ кардани саҳифаҳои дигарон. Инчунин бо истифода аз маълумоти профили шахси дигар боз кардани саҳифа.
TROLLING –Асабонӣ кардан ва ба ғазаб овардани нафари дигар.
FAKE PROFILES – сохтани саҳифаҳои қалбакӣ бо ном ва бо маълумоти дигарон.
DISSING – нашри маълумоти бардурӯғ ва тақаллубӣ дар бораи дигарон. Мисоли DISSING инчунин туҳмат кардани ягон шахс аз номи шахси дигар туҳмат задану вайрон кардани робитаи онҳо.
HARASSMENT – дашному таҳқир тариқи месенҷер
FRAPING – дохил шудан ба саҳифаи дигарон, нашри аксу навор ва маълумоти нодуруст аз номи онҳо.
CYBERSTALKING – Такроран фиристодани паёмҳои таҳдидомез бо мақсади тарсонидани ягон нафар ва халал ба амнияти ӯ.
OUTING – дарёфту нашри суҳбатҳои онлайни ягон шахс ба мақсади беобурӯ кардан
TRICKERY – Ба боварии дигарон даромадан ва гирифтани маълумот. Ошкор ва нашри сири шахсиии корбар дар интеренет
FLAMING –муноқишаи онлайнӣ байни ду ва ё як гурӯҳи корбарон
EXCLUSION – қасдан касеро аз гуруҳ ё чат хориҷ кардан
Акнун дар бораи ин маҳфумҳо маълумот гирифтем. Умедворем, аз истифодаи онҳо худдорӣ мекунед ва ба атрофиёнатон низ иҷозат намедиҳед!
Аксҳо аз шабакаи интернет
