Абдурозиқ, овозхон ва блогери тоҷик намоҳанги худро бо номи Chota Bhaijaan (छोटा भाईजान), ки бародари хурдӣ тарҷума мешавад, пешниҳоди ҳаводоронаш гардонид. Намоҳанги 3,5-дақиқаии хешро Абдурозиқ ба Салман Хон бахшидааст.
Абдурозиқ қаблан сурудҳои зиёдеро бо забони ҳиндӣ тақлид кардааст ва ин аввалин суруди худи ӯ маҳсуб мешавад.
Расонаҳои ҳиндӣ менависанд, ки Абдурозиқ бо нақши хеш дар филми «Big Boss 16» дили ҳамаро ба даст овард ва дар аввалин таронаи ҳиндии худ «Chhota Bhaijaan» аз Салмон Хон тақлид мекунад.
Абдурозиқ дар паёми хеш низ, ки дар саҳифаи Instagram-аш нашр кардааст, менависад, аз хурдӣ дар деҳа орзуи дидани филмҳои машҳури ҳиндиро дошт ва таъкид мекунад, ки ин сурудашро ба Салмон Хон мебахшад:
«Ман шахсан инро ба ҷаноби Салмон Хон мебахшам, ки маро бештар барои боздид аз Ҳиндустон илҳом бахшид. Ман то ҳол бо забони ҳиндӣ ҳарф зада наметавонам…аммо 5 моҳ пеш ҳам бо забони англисӣ ҳарф зада наметавонистам, аз ин рӯ, барои ҳамаи шумо тамоми кори аз дастам меомадаро мекунам ва барои дастгириҳоятон дӯстатон медорам.»-навиштааст Абдурозиқ.
View this post on Instagram
