Baron (Маҷидиён Беҳрӯз Шарифӣ) рэпсарои маъруфи тоҷик ва мудири иҷроияи гурӯҳи «Avlod Media» дирӯз, 15 август баъди ҷудоии қариб яксола бо Абдурозиқ, дубора навори суҳбати рӯ ба рӯяшро бо Абдурозиқ нашр кард. Дар навор, ки худи Беҳрӯз онро сабт ва тариқи инстаграм нашр кардааст, дида мешавад, ки Абдурозиқ сари миз тарбуз мехӯрад ва ҳар ду бо ҳам шӯхӣ мекунанд.
«Ту фикр кардӣ, ки ман намеёбамат. Дар радио овозаҳо ҳаст, ки ту маро кидат кардаӣ. Ман туро кидат кардам, фаҳмидӣ?!»,-мегӯяд Беҳрӯз. Дар посӯх Абдурозиқ бо табассум ҷавоб медиҳад, ки шумо маро кидат кардед, Хуҷанд рафтед…
Беҳрӯз дар навори дигаре мегӯяд, баъд аз як рӯз шарҳ медиҳад, ки чӣ воқеа рӯх дод.
Бо гузашти як рӯз аз нашри видео, Беҳрӯз дар видеои дигаре ин амалашро блогинг унвон карда, таъкид менамояд, ки навори суҳбаташ бо Абдурозиқ аз бойгониаш буда то ҳол муносибаташ бо Абдурозиқ беҳ нашудааст. Ҳар ду то ҳол якдигарро дар рӯйхати сиёҳи дӯстонашон нигоҳ медоранд.
Ёдовар мешавем, ки моҳи ноябри соли 2021 рэпсаро Барон як навореро пахш карда дар он Абдурозиқро ба “хиёнат” айбдор кард ва аз ҷудоиаш бо ин сароянда хабар дод.
Абдурозиқ низ дар навбати хеш ба Беҳрӯз посӯх дода буд, ки маблағҳои бадастоварда ноодилона байнашон тақсим мешавад.
View this post on Instagram
