Путин метрои бидуни сарнишинро ба истифода дод

Владимир Путин, Президенти Русия  ва Сергей Собянин, шаҳрдори Маскав аввалин метрои бесарнишинро ба истифода доданд. Ин кор дар маркази таъмиру хизматрасонии «Аминевское»  сурат гирифт, ки намоишгоҳи воситаҳои нақлиёти бесарнишини таъиноти шаҳрвандӣ пешниҳод гардид.

Ҳамчунин трамвайи бесарнишини «Лвенок», роботи ташхиси қубурҳо «Тбот», роботи интиқоли бағоҷ, квадрокоптерҳо, дронҳо, роботҳои хизматрасон низ муаррифӣ шудаанд.

Баъдтар, ҳангоми суханронӣ дар ҷаласа оид ба масъалаҳои рушди низомҳои автономӣ, Путин изҳор дошт, ки Русия дар соҳаи таҳия ва истеҳсоли технологияҳои бесарнишин иқтидори назаррас дорад.