МУВАФФАҚИЯТSoftclub барои ангезадиҳӣ шогирдонро бо мутахассисони Apple, Amazon ва...

Softclub барои ангезадиҳӣ шогирдонро бо мутахассисони Apple, Amazon ва Microsoft рӯ ба рӯ мекунад

-

Нурулло Сулаймонов, роҳбари Маркази омӯзишии “Softclub”

Маркази омӯзишии “Softclub” барои ангеза додани шогирдон онҳоро бо мутахассисони ширкатҳои машҳур-Apple, Amazon ва Microsoft рӯ ба рӯ мекунад. Мутахассисони ин ширкатҳо аз тариқи zoom бо ҳар нафар алоҳида суҳбат мекунанд, ангеза медиҳанд.

Дар пойтахти кишвар наздики 10 маркази омӯзишӣ касбҳои барномасозӣ, мутахассиси SMM, мутахассиси IT, дизайни графикӣ фаъолият доранд. “Softclub” яке аз онҳост, ки барномасозиро меомӯзад ваинчунин барои олимпиадаҳои байналмилалӣ аз фанни информатика наврасону ҷавононро омода мекунад.

Мо бо муассис ва роҳбари маркази омӯзишии “Softclub” Нурулло Сулаймонов доир ба таъсису рушди марказ, устодону шогирдон, усули таълим ва ояндаи барномасозӣ суҳбат намудем.

Раванди дарс

“Вақти мактабхонӣ ба ин соҳа шавқ доштам. Соли 2016 ба Донишгоҳи техникии Тоҷикистон дохил шуда, соли 2020 онро хатм кардам. Замони донишҷӯӣ дониши худро дар ин соҳа такмил карда, пас аз хатм ба “Алиф Бонк” ба кор рафтам. Ҳамон вақт ба чанд нафар барномасозиро меомӯзонидам ва билохира, тасмим гирифтам, ки ҷиддӣ ба ин кор машғул шавам. Ҳамин тавр, моҳи августи соли 2021 як курси “онлайн” оғоз карда, бо бачаҳо кор мекардам ва имсол расман “Softclub”-ро таъсис додам. Мақсади таъсиси ин марказ теъдоди барномасозони хуби ватаниро афзӯн кардан аст.”,- гуфт Нурулло.

Ҳоло дар “Softclub” ба 100 нафар барномасозӣ ва информатика меомӯзанд. Дар ин марказ шогирдон ҳар ҳафта имтиҳон месупоранд. Омӯзгорон аз дохилу хориҷи кишвар ҳастанд.

Дар як моҳ шогирдон то 90 соат дарс мехонанд: “давоми ҳафта дар 3-6 соат барномасозиро омӯхтан номумкин аст, бояд ҷиддӣ ба омӯзиш машғул шуд. Ҳамчунин, устодон омода ҳастанд, ки дар дилхоҳ вақт ба саволу шогирдон ҷавоб диҳанд. Ҳар нафаре, ки ба маркази мо омад ё барномасоз шуда меравад ва ё ба системаи дарсии мо тоб наорвада онро тарк мекунад.”

Мутахассисони ширкатҳои бонуфузи дунё-Apple, Amazon ва Microsoft  ба шогирдони маркази “Softclub” фосилавӣ машварат медиҳанд, ки ин барои ҳавасмандгардони бачаҳо онҳо мусоидат менамояд.

Инчунин, дастпарварони “Softclub” давоми таҳсил бо лоиҳаҳои воқеии худ кор мекунанд ва дар охир марказ барои ба ҷойи кор таъмин намудани онҳо кумак мекунад.

Ҳафизуллоҳ Тоҳирӣ

ПИСАНД ОМАД? БО ДӮСТОНИ ХУД МУБОДИЛА КУНЕД!
+1
11
+1
1
+1
0
+1
0
+1
0
+1
0
+1
0

ХАБАРҲОИ ОХИРИН

77%-и кӯдакон дар Суғд ба кӯдакистон намераванд

Дар минтақаи Суғд 45 ҳазор кӯдак ба муассисаҳои томактабӣ фаро гирифта шудаанд. Давоми як соли охир фарогирӣ ба кӯдакистонҳо...

Таҳсили духтарон. Кадом мушкилиҳо вуҷуд дорад?

Моҳиолам Каримова аз минтақаи дурдасти кишвар аст. Бо вуҷуди ин, тавонист дар коллеҷи тиббии ноҳияи Рашт шомил гардад. Ӯ...

Коргоҳи духтари афғонистонӣ дар Ваҳдат

Коргоҳи дӯзандагии "Содот" дар шаҳри Ваҳдат воқеъ буда, роҳбари ин коргоҳ Сафуро Назрии 21-сола аст. Ӯ се сол қабл...

Право на получение адресной социальной помощи

Кто имеет право на получение адресной социальной помощи и что нужно сделать, чтобы ее получить?
spot_imgspot_img

Роҳи навбунёд, вале пурнуқсон

Роҳрави шафати ҷодаи навбунёд ба меъёр ҷавобгӯ набуда, бинобар сабаби паҳнои ками ин роҳрав ду нафар паҳлӯи ҳам роҳ...

Дуздии маълумот аз ChatGPT

Ҳакерҳо маълумоти махфии ширкатеро, ки ChatGPT, OpenAI-ро сохтааст, дуздиданд, ки иттилоъ дар бораи рушди технологияҳои зеҳни сунъиро дар бар...
spot_imgspot_img

Ба шумо инчунин метавонед писанд оядVIP
Ба шумо тавсия дода мешавад