Apple як кормандашро барои нашри видео вобаста бехатарии iPhone ронданист. Ба Пэрис Кэмпбелл гуфтаанд, ки сиёсати ширкатро вайрон кардааст. Зеро, ӯ худро корманди Apple муаррифӣ намуда, дар мавзӯҳои марбут ба Apple иттилоъ нашр кардааст.
theverge.com менависад, Кэмпбелл, як модари танҳо буда, дар Ню Йорк зиндагӣ мекунад ва соли 6-ум аст, ки дар Apple фаъолият менамояд. Ҳоло вай дар як мағозаи чаканаи Apple ба ҳайси таъмиргар кор мекунад. Ҳафтаи гузашта ин зан ба духтаре посух дод, ки iPhone-и худро дар фестивали Coachella гум кард ва сипас паёмҳои таҳдидомез дарёфт кард, ки агар вай iPhone-и худро аз ID Apple ҷудо накунад, маълумоти шахсии вай дар бозори сиёҳ фурӯхта мешавад.
«Ман дақиқ гуфта наметавонам, ки ин маълумотро аз куҷо медонам, аммо гуфта метавонам, ки дар тӯли шаш соли охир ман ба ҳайси муҳандиси сертификатсияшудаи таҷҳизот дар ширкате кор мекунам, ки бобати мева сӯҳбат карданро дӯст медорад.»,-гуфтааст Кэмпбелл ва ба духтар маслиҳат додааст, ки ба гапи тамаъҷӯён гӯш надиҳад. «Телефони шумо барои онҳо воқеан суде надорад. Шумо ягона шахсе ҳастед, ки онҳоро наҷот дода метавонед. Ман тавсия медиҳам, ки ин корро накунед.»,- тавсия додааст ин корманди ширкати Apple.
Кэмпбелл, ки аз соли 2011 ба ин сӯ дар ТикТок навор пахш мекунад, 439 000 пайрав дорад. Кэмпбелл мегӯяд, видеоҳои ӯ хусусияти иттилоотӣ надоранд.
«Ман фикр мекунам, ки вокуниши Apple комилан баръакси он аст, ки мо худро ҳамчун як ширкат муаррифӣ мекунем ва одамонро ба андешаи ҷадид ва навоварӣ даъват мекунем.»
