Ҳудуди 50 мутахассиси соҳаи мӯд ва дӯзандагӣ аз корхонаҳои дӯзандагӣ ва муассисаҳои таълимии Тоҷикистон давраи омӯзишии дӯзандагии “Тарроҳӣ ва дӯхти либос: Блейзер (жакет)-и занона”-ро бо истифода аз технологияҳои замонавии тарроҳӣ бомуваффақ хатм карданд.
Давраҳои омӯзиширо коршиносони Маркази тиҷорати байналмилалӣ Ирина Танноус-Филичкина, ки ҳамзамон, намояндаи расмии мактаби олмонии либосдӯзии “M.Müller & Sohn” дар Федератсияи Русия мебошад, ва Татяна Думина технолог, омӯзгори WorldSkills Russia, баргузор карданд. Мизбони давраҳои омӯзишии якҳафтаина Марказҳои таълимӣ-омӯзишии дӯзандагии Донишгоҳи Технологии Тоҷикистон дар шаҳри Душанбе ва Донишкадаи политехникии Донишгоҳи техникии Тоҷикистон дар шаҳри Хуҷанд, ки бо мусоидати МТБ таъсис ёфтаанд, буданд.
