Муқаддас Қурбонова ва Саврибегим Ёрмамадова устодони ДМТ охири моҳи августи соли ҷорӣ дар Форуми 15-уми байналмилалии занони ихтироъкор дар шаҳри Сеули Кореяи Ҷанубӣ соҳиби шоҳҷоиза ва медали тилло гардиданд. Дар ин форум Муқаддас Қурбонова ихтирооти хеш- “Истифодаи хӯлаҳои алюминий бо бериллий дар саноати мошинсозӣ”-ро муаррифӣ намуд. Мутахасиссони сатҳи байналмилалӣ кори ӯро баррасӣ намуда, медали тиллоро ба ин бонуи тоҷик сазовор донистанд.
Муқаддас Қурбонова бовар дорад, ки ихтирооти ӯ оянда дар соҳаи алюминий ва мошинсозӣ метавонад васеъ истифода мешавад.
“Тӯли панҷ сол мешавад, ки мо доир ба истифодаи хулаҳои алюминий бо иловаи металҳои ишқорӣ машғулият мегузаронем. Тибқи коркарди илмӣ ба хулосае омадем, ки маҳз хулаҳое, ки мо ихтироъ мекунем дар заводи алюминий ва Текстилмааш татбиқи худро ёфта метавонанд. Хулаҳои алюминий ва берилий соҳаи истифодабарии хеле васеъ доранд махсусан дар соҳаи ҳавопаймосозӣ, киштисозӣ, ракетасозӣ бештар истифода бурда мешаванд”,-мегуяд Муқаддас Қурбонова.
Саврибегим Ёрмамадова бо ихтирои хеш дар мавзӯи “Истифодаи пайвастаҳои комплексии рӯҳ ҳамчун маводи доруворӣ зидди бемориҳои ғадуди сипаршакл” шоҳҷизаи форумро соҳиб гардид. Ӯ соли 2017 дар форуми мазкур фосилавӣ ширкат намуда, сазовори медали биринҷӣ гардида буд.
Саврибегим мегӯяд, бо истифода аз имкониятҳои гиёҳҳои ватанӣ кушиш доранд оянда лоиҳаи маводҳои дорувориро пешниҳод намуда, ба ин васила дар коҳиши маҳсулоти воридотӣ саҳми хешро гузоранд.
Ёдовар мешавем, ки Форуми 15-уми байналмилалии занони ихтироъкор, аз 25 то 27-уми августи соли равон дар шаҳри Сеули Кореяи Ҷанубӣ бо иштироки намояндагони 30 давлати узви Созмони умумиҷаҳонии моликияти зеҳнӣ ва 500 ихтироъкор баргузор гардид.
Баҳруллои М.
