МУВАФФАҚИЯТОсорхонаро ба давлат ҳадя кард

Осорхонаро ба давлат ҳадя кард

-

Амир Саиди Мункӣ осорхонаеро, ки ёдгориҳои онро солҳои тӯлонӣ гирд оварда буд, ба давлат ҳадя кардааст…

Бостоншиносон бозёфтҳои зиёди таърихиро аз Ховалинг пайдо кардаанд.

Бинобар ин, омӯзгор Амир Саиди Мункӣ солҳои 80-уми асри гузашта пеши худ мақсад мегузорад, ки ба ковишҳои бостоншиносӣ шурӯъ намояд.   

Ӯ давоми 4 сол нигораҳои таърихиро ҷамъоварӣ ва соли 1982 дар як синфхонаи мактаб осорохонае хурде ташкил менамояд.

Ин кори Мункӣ ба бисёриҳо аз ҷумла, ба омӯзгорони мактаб писанд намеояд ва ҳатто ба ин кори ӯ муқобилият мекунанд. Аммо Мункӣ кори худро идома дода, шумораи ёдгориҳои таърихиро дар осорхонаи таъсисдодааш афзоиш медиҳад.  

Ӯ ҳамарӯза ба ковишҳои таърихӣ машғул гардида, ҳамзамон, аз сокинони маҳаллӣ ва хонандагони мактаб хоҳиш мекунад, ки ҷиҳати дарёфти ашёҳои таърихӣ мусоидат намоянд…

Соли 1991 Вазорати фарҳанг, Вазорати маориф, Кумитаи комсомоли Тоҷикистон  ва Бунёди фарҳанги ҶТ озмунеро бо номи “Тоҷикистон-Ватани азизи ман!” ташкил карданд, ки дар он Осорхонаи Амир Саиди Мункӣ миёни осорхонаҳои мактабҳои миёна ва ҷамъиятии кишвар ҷои аввалро сазовор мегардад. Ҳамин тавр, соли 2008 ба осорхонаи ӯ мақоми давлатӣ медиҳанд.  

Айни ҳол дар осорхонаи таърихиву кишваршиносии ноҳияи Ховалинг ҳудуди 5 ҳазор ёдгории таърихиву фарҳангӣ ҷойгир аст. Аз ин осорхона олимону муҳақиқони ватанӣ ва бостоншиносон аз хориҷи кишвар ҷиҳати анҷом додани пажуҳишҳои илмӣ васеъ истифода мебаранд. Мункӣ ба кори худ идома дода,  дар бораи таърихи ниёкон ва бостонӣ чандин мақолаву китобҳо ба нашр расонидааст. Ҳоло ҳам ӯ роҳбарии ин осорхонаро ба уҳда дорад ва ҳар як ёдгориҳои таърихиро бо тамоми ҷузъиёташ ба донишҷӯёну хонандагон ва меҳмонон бо як шуру шавқ ташреҳ мекунад.

Амир Саиди Мункӣ муаллифи беш аз 35 китоб буда, зиёда аз 1000 мақолаи публитсистии  ӯ  дар нашрияҳои гуногуни мамлакат ба табъ расидааст. Ҳамзамон вай муаллифи садҳо мақолаи илмиву таҳлилӣ мебошад. Бунёди осорхона, китобхонаи хусусӣ ва боғоти меваҷот аз ҷониби Амир Саиди Мункӣ муҳаббати халқро нисбат ба ӯ боз ҳам зиёд намудааст. Зеро, ҳар сеи он ба сокинони маҳаллӣ ва мамлакат ба таври ройгон хизмат мерасонанд.  

 Баҳруллои Маҳмадшариф

ПИСАНД ОМАД? БО ДӮСТОНИ ХУД МУБОДИЛА КУНЕД!
+1
2

+1
0

+1
0

+1
0

+1
0

+1
0

+1
0

ХАБАРҲОИ ОХИРИН

Муҳиққиқи тоҷик дар Амрико рисолаи докториро ҳимоя кард

Ахиран дар маросими бошукуҳе дар Амрико дипломи дараҷаи докторӣ ба як муҳаққиқи тоҷик супурда шуд. Иброҳим Рустамов, зодаи шаҳри...

Samsung iPhone-ро нусхабардорӣ кардааст?

Намояндаи Apple гуфтааст, Samsung iPhone-ро нусхабардорӣ карда, танҳо як экрани калонтар илова кардааст. Дар мусоҳибае ба The Wall Street...

VPN ба ифшои 25 миллион маълумот муттаҳам мешавад

Коршиносони Cybernews муайян карданд, ки пойгоҳи Bean VPN маълумоти шахсии миллионҳо корбарро фош кардааст. Дар пойгоҳи додаҳои кашфкардаи муҳаққиқон беш...

Маск аз Криштиан Роналдо пеш мегузарад?

Илон Маск аллакай дар Twitter беш аз 100 миллион пайрав дорад. То расидан ба сатҳи Криштиан Роналд барои ӯ...
spot_imgspot_img

Шикасти КМВА-и Душанбе аз дастаи «Суғдиёна»-и Узбекистон

Дар даври дуюми марҳилаи гурӯҳии Ҷоми КФО-2022 дар гурӯҳи «Е» барандаи медали биринҷии Чемпионати Тоҷикистон - КМВА-и Душанбе, ки...

$2,5 миллион бурсияи хонандагони Литсейи шаҳри Хуҷанд

Давоми соли хониши 2021-2022 муҳассилини литсей барои хонандагони болаёқати шаҳри Хуҷанд дар беш аз 15 олимпиадаи фаннии байналмиллалӣ дар...
spot_imgspot_img

Ба шумо инчунин метавонед писанд оядVIP
Ба шумо тавсия дода мешавад