Имрӯз, 15 декабр Рӯзи чой- яке аз қадимтарин ва солимтарин нӯшокиҳои рӯи замин аст. Ҳадафи таҷлили ин рӯз ҷалби таваҷҷуҳи ҳукуматҳо ва шаҳрвандон ба мушкилоти фурӯши чой, муносибати чойфурӯшӣ, вазъи гирдоварандагони чой, истеҳсолкунандагони хурд ва истеъмолкунандагон мебошад.
Қарор дар бораи таҷлили ин ҷашн пас аз баҳсҳои давомдори бисёре аз созмонҳои байналмилалӣ ва иттифоқҳои касаба, дар Форуми умумиҷаҳонии иҷтимоӣ, ки соли 2004 дар Мумбай (Ҳиндустон) ва соли 2005 дар Порт-Аллегри (Бразилия) баргузор шуда буд, гирифта шуд. Маҳз дар ҳамин рӯз (15 декабр) Эъломияи умумиҷаҳонии ҳуқуқи коргарони чой соли 1773 қабул карда шуд.
Мутаносибан, Рӯзи чойро асосан кишварҳое ҷашн мегиранд, ки истеҳсоли чой дар иқтисоди онҳо мақоми асосиро ишғол мекунад — Ҳиндустон, Шри-Ланка, Бангладеш, Непал, Чин, Ветнам, Индонезия, Кения, Малайзия, Уганда…
Чой ҳамчун нӯшокӣ аз ҷониби императори дуюми Чин Шен Нунг тақрибан дар соли 2737 пеши аз милод кашф шудааст. Яъне, ӯ барги буттаи чойро дар як пиёла оби гарм тар кардааст… Оё тасаввур мекунед, мо ҳамон чойеро менӯшем, ки императори Чин тақрибан 5 ҳазор сол пеш чашида буд?!
Солҳои 400—600-уми милодӣ дар Хитой таваҷҷуҳ ба чой ҳамчун нӯшокии шифобахш меафзояд ва аз ин рӯ, равандҳои парвариши чой инкишоф меёбанд. Дар Аврупо ва Русия чой аз нимаи аввали асри 17 маъмул шудааст ва яке аз маъруфтарин рӯйдодҳои таърихи чойи муосир ин ҷашни чойи Бостон аст, ки 16 декабри соли 1773 мустамликадорони амрикоӣ ба нишони эътироз алайҳи андози чойи Бритониё қуттиҳои чойро ба бандари Бостон партофтанд.
