Муҳаққиқони Oversecured як қатор осебпазириро дар смартфонҳои Xiaomi, ки бо Android кор мекунанд, кашф карданд. Ширкати амнияти иттилоотӣ гуфтааст, ин холигоҳҳо дар система метавонад ба ҳакерҳо имкон диҳад, ки ба маълумоти шахсии корбарон дастрасӣ пайдо кунанд ва ҳисобҳои онҳоро назорат кунанд.
Дар гузориши муҳаққиқон қайд шудааст, ки осебпазирӣ ба замимаҳои гуногун ва ҷузъҳои системаи дастгоҳҳои мобилии Xiaomi таъсир мерасонад. Ҳамин тариқ, мушкилот дар «Галерея» метавонад ба қаллобон имкон диҳад, ки файлҳои системаро бо имтиёзҳои маъмур идора кунанд. Камбудии GetApps ба ҳакерҳо дастрасӣ ба ҳисобҳои корбарро медиҳад, дар ҳоле ки осебпазирии Mi Video маълумоти ҳисоби корбаронро, аз ҷумла ном, суроғаи почтаи электронӣ ва дигар маълумоти ҳассосро фош мекунад.
Як осебпазирӣ дар барномаи Tracing System метавонад ба ворид кардани фармонҳои худсарона ва ба даст овардани имтиёзҳои система имкон диҳад, дар ҳоле ки камбуди барномаи Танзимот метавонад ба ҳамлагарон имкон диҳад, ки файлҳоро дузданд.
Коршиносон тавсия медиҳанд, ки корбарони смартфони Xiaomi то ҳадди имкон нармафзор ва барномаҳоро навсозӣ кунанд, инчунин хадамоти нолозимро хомӯш кунанд.
