Ҳама кор бо пой. Зиндагии пурмашаққати як бонуи маъюб
Дастони Бурихол баъди яксолагӣ аз кор монданд ва то кунун ҳама амалро бо пойҳояш анҷом медиҳад. Бурихол Зуҳуроваи 39-сола ҳамроҳ бо падару модараш дар ҷамоати Ғалаободи ноҳияи Хуросон зиндагӣ мекунад.
Саидқот Зуҳуров, падари Бурихол дар ҳама кор ба духтараш кумак мекунад. Нигарон аст, ки ӯву ҳамсараш пир мешаванду ояндаи духтари маъюбашон норушан аст. Зеро, намедонанд, ки оянда Бурихолро кӣ парасторӣ менамояд?!
Бурихол хайётию легобозиро дӯст медорад ва рӯзҳоро бо ин корҳо пушти сар менамояд. Бо пойҳояш мошинаи дарздӯзиро ба кор меандозад.
Модар Давлатбӣ Файзова чанд бор Бурихолро ба интернат бурда, вале фироқи ҷудоиро таҳаммул карда натавонисту дубора духтарашро бозпас овардааст.
Вазъи молияии ин хонаводу нохуб аст ва нафақаи ночизишон барои рӯзғор кифоя нест.
Бахтиёр Комилов
