Қадами Қурбон, сарояндаи баҳсбарангез, ки бо суруду шӯхиҳои намакин ва самимиаш маъруф аст, аз вазъи вахими саломатиаш қисса кард.
Қадам аз дарди ҷонкоҳи қисмати рости шикам шикоят мекунад, ки чаҳор моҳ аст, бехобӣ мекашаду ҳар ончи истеъмол менамояд, қайъ ва дард то ҳадде шадид аст, ки ба мурданаш розӣ мешавад.
Ҳамсараш аз бенавоӣ мегӯяд, ки чаҳор моҳ боз қанди сафедро надидаанду нонро дар чой тар мекунанд.
Қадами Қурбон ахиран дар суҳбат ба ҳайати гуруҳи ҳаҷвии “Арабшо”, ки ба аёдаш рафтанд, қисса кард, «даврони тандуруст буданам дӯстони бешумор доштам, ки рақамашон дар ҳисобкунак (калкулятор) намеғунҷид. Вале ҳоло касе ба аёдат намеояд.»
Қадам мегӯяд, ҳама гуна ташхисро гузашт, ҳатто дар беморхона бистарӣ шуд, вале табибони тоҷик даво наёфтанду тавсия доданд, ки ба хориҷ равад.
Қадами Қурбон ҳоло дар хонаи духтараш дар ноҳияи Восеъ бистарист. Зеро, деҳаи онҳо дар ноҳияи Шамсиддин Шоҳин роҳи харобе дошта, бо бад шудани вазъаш то ба ободие расонидаш душвор мегардад.
Ӯ дар муроҷиат аз мухлисон ва мардуми Тоҷикистон кумак хост то дастгирӣ намоянд ва ӯ дар хориҷ табобат гирад.
Акс аз навори саҳифаи ютубии Qurbon Negmatov
